ای یادگار مصطفی
جان حسین جانم
ای مدفن کرب و بلا
جان حسین جانم
زینب بی یارم
قبریوه زوارم
یاحسین یاحسین
نور دو عین مرتضی
جان سنه قربان
بند دل خیر النساء
جان سنه قربان
پیشواز إله مندن أخا
جان سنه قربان
من سالمیشام باشه قرا
جان حسین جانم
زینبم دلخسته
گلدین قبرون اوسته
دور گلدیم عطشان رهبریم
سینه سوزانم
قبرون کنارینده حسین
دیده گریانم
سس ویر سسیمه یورقونام
شاه خوبانم
ای مظهر مهر و وفا
جان حسین جانم
گلمیشم دلغمین
ساخلیام اربعین
نازلی قزون ویرانه ده
قالدی من گلدیم
درد و بلایه باشیمی
سالدی من گلدیم
الدن قرار و صبریمی
آلدی من گلدیم
ویرانه ده دویدو جانا
جان حسین جانم
عشقوندن اوجالدیم
غموندن قوجالدیم
ای جلوه جانان حسین
یاره لی قارداش
زینب سنه قربان حسین
یاره لی قارداش
ای جان ویرن عطشان حسین
یاره لی قارداش
یاسه باتیب آل عبا
جان حسین جانم
دور یاتما دلداریم
یاره لی غمخواریم
ای سرور خوبان حسین
یار مظلومان
قانه بویاندون حفظ اولا
دولت قرآن
بو آلتی گوشه قبریوه
زینبون قربان
ای زینت عرض و سما
جان حسین جانم
غمدن سارالمیشام
کوینکون آلمیشام
ای سایه سی حق سایه سی
ای شه محشر
لیلا گلیبدیر هاردادی
بس علی اکبر
اولموش ربابون نوحه سی
وای علی اصغر
قلبیم اولوب غمدن یارا
جان حسین جانم
گلدی اوغولسوزلار
کمکسیز یالقوزلار
سولدی بو چولده ظلمولن
وای گل یاسیم
علقمده باتدی قانینه
اشجع الناسیم
سندن آرالی دفن اولوب
قولسوز عباسیم
ای قامتی غمدن دو تا
جان حسین جانم
گلمیشم نوایه
آغلارام سقایه
هجرونده عطشان رهبریم
آغلارام قارداش
سیندی منیم بال و پریم
آغلارام قارداش
سولدی بو چولده گوللریم
آغلارام قارداش
الواندی قانیله منا
جان حسین جانیم
آرام جانیمسن
روح و روانیمسن
(عارف) گجه گوندوز گلر
آه و افغانه
بیر یول آقا باخسان نولار
سن بو نالانه
سن شمع عالمسن سنه
منده پروانه
ای آدی هر درده دوا
جان حسین جانم
دردیمه قیل دوا
ایله احسان آقا
- یکشنبه
- 17
- مرداد
- 1400
- ساعت
- 12:21
- نوشته شده توسط
- یوسف اکبری
- شاعر:
-
رضا محمودی عارف زنجانی
ارسال دیدگاه