نی کیمون نوایه گلن منم
تیرغصه قلبین بولن منم
کربلاچولونده عزیزلری
دین یولونداتشنه ئولن منم
جان گلیب دوداقه سینه داغلیان یوخ
گوزلریمی غملی حالداباغلیان یوخ
هارداسان ابالفضل هارداسان ابالفضل
عمرومون گونی یتدی اخره
شاکرم خداونده داوره
فخریدورمنه اولموشام کنیز
دهریده من اولادحیدره
دورت اوغول بجرتدیم مکتب ولاده
ایچدیلرشهادت جامی کربلاده
همسرشه کبریامنم
قلبیدن معین ولامنم
دهریده انیدیم اوغولارا
ایندی محنته مبتلامنم
گوزلریم قالیبدیردورت اوغول یولوندا
قهرمان دشت کربلایولوندا
حامیم مرام ولایته
چاتمیشام بویولداسعادته
فاطمه ایوینده خدامنی
چاتدیریبدی شانیله شوکته
غرق رحمت اولدوم من بو اززماندا
ارتدی اعتباریم شکراولاجهاندا
من مریداولادحیدرم
من بوشانی دنیایه ویرمرم
سون نفسده عطشان حسینمی
داده بوچتین وقته سسلرم
دادیمه اوشاه مشرقین گلیدی
جان ویرن زمانداکاش حسین گلیدی
غرقم اشگیله اهه اغلارام
قولاری قلم ماهه اغلارام
تانفس واریمدی نواایدیب
غسلی قان اولان شاهه اغلارام
جسمی پاکی قبره بوریاده گیتموش
غارته لباسی کربلاده گیتموش
اغلارام شه روزمحشره
بی کفن قالان جسم بی سره
صودامرگورنده دولارگوزوم
اغلارام اوشش ماهه اصغره
اغلارام عزیزشاه اولیایه
جسمی قطعه قطه شبه مصطفایه
اغلارام سولان باغ یاسیمه
شرمسارئولن فخرناسیمه
کربلاشهیدانی بیریانا
اغلارام ولی چوخلو قاسیمه
عرصیه زرهسیزگوئیاگیدیبدی
جسم پاکین اعداپایمال ایدیبدی
عارفین اورکده ملالی وار
دشت کربلانی یاداسالار
اغلیاراوسقای تشنیه
ایندیده گوزی خیمیه باخار
اول صفای قلب اولیایه اغلار
عبدصالح ادلی دلربایه اغلار
هارداسان ابالفضل هارداسان ابالفضل
- یکشنبه
- 17
- مرداد
- 1400
- ساعت
- 22:3
- نوشته شده توسط
- یوسف اکبری
- شاعر:
-
رضا محمودی عارف زنجانی
ارسال دیدگاه