یوسف فاطمه ای صاحب اجلال ومقام
محضرپاکیوه اولسون آقابیزدنده سلام
صاحب عصروزمان جان سنه قربان آقاجان
دوشدی تاخیره ندن گلمگون ای روح روان
قرنیلردورسنی امداددینه امت چاغیریر
سحراخشام آقاهجرونده اورکلر داریخیر
دولدوروب عالمی ظلمون شرری یابن الحسن
درک اله حقی باتان شیعه لری یابن الحسن
داعشین ظلمی اورکلرباشینی قان إلدی
اولارین هریاناچاتدی الی ویران إلدی
ولی ظلمون قاباقیندادایانان چوخدورآقا
ئولمدن شیعه لرین واهمه سی یوخدورآقا
گورنجه موصلی رزمنده لرآزادإلدی
داعشی خوارالیوب شیعه نی دلشادالدی
هشت شوالیدی ای منجی دوران آقاجان
اولدی تخریب ندن قبرامامان آقاجان
نقدرجسمیده جان واربیزیم ای معدن جود
دیروک ننگ اولانیرنگیزه ای آل سعود
بیزعلی شیعسیوخ غیرتمیزجوشسااگر
ویرمریک معرکده رحمسیزاعدایه مفر
گرویره رهبریمیزاذن،جهاده چیخاروق
قصرینی باشلاریناآل سعودین یخاروق
مکه نین اوستونه بیزفتح علمین ویردیریق
دشمن دین اولاکیم قول قانادین سیندیریق
الیمیزچاتسابقیعی گنه آبادایدروق
حضرت فاطمه نون بیزاورگین شادایدروق
ایلروک اوردابناگنبدوگلدسته حرم
هرمزاراوستونه ویریق آقابیر قاره علم
آغلاراریق ظلموله تاراجه گیدیلمیش چمنه
آغلاریق صادق وباقرله امام حسنه
بیزه لازمدی دعاایلیه عبادآناسی
شهربانوی وفاپیشه اوسجادآناسی
اونون ایرانیلارالطف فراوان واریدی
گرچه قلبینده غم ومحنت دوران واریدی
اوردادفن اولموش ابوالفضل دلاورآناسر
قلبیده دورت اوغولون توخدامیوبدوریاراسی
یولوموزدوشسه اوراسس قوشوب ایوای دیروک
چون رباب اوردایاتیب اصغره لای لای لای دیروک
ای آدین شیعه قویان حق سوزون اوستونده دایان
نیه اصغربویانیب قانه ویریب یاره لی جان
ایستیوب حق وحقیقت آراداباتمیاتا
یاخشی پیس روشن اولابیزلره تاروزجزا
یول آچیخدیرگیده کیم راه جفاوستمی
ولی اولساکیم حسینچی ایکی دنیانه غمی
ویرگیلان چنگ توسل صودامردلداره
باغلادل اصغره دل باغلاماسن اغیاره
ای شهیدلرآناسی حق اوزی یاورده سیزه
یاخشی پادش ویرن خالق داوردی سیزه
قورولارمحکمه عدل خدامحشرده
بیزیم اماگوزوموزوارکرم اصغرده
آغلارام یادیمه سالدیقجا بوغازدایاراسین
اویارانین آجیسی سالدی ایاقدان آناسین
اوناخاطرآناسی گونده اورک داغلاردی
گون ایوینده اوتوروروب اصغرینه آغلاردی
(عارفا) ایسته گیلن حقیدن اخلاص دعا
بلکه لطف ایلیه الله سنده طبع رسا
- یکشنبه
- 17
- مرداد
- 1400
- ساعت
- 22:30
- نوشته شده توسط
- یوسف اکبری
- شاعر:
-
رضا محمودی عارف زنجانی
ارسال دیدگاه