ای افتخار امامت مرامیوه قربان
فدای راه ولایت مرامیوه قربان
عزیز حضرت زهرا امام امت طاها
تمام هستی خلقت مرامیوه قربان
علم دینی اوجالدان جهاندا علمیلن
امید راه سعادت مرامیوه قربان
جهانیانه ویرن عشقیلن بکا درسین
ویرن حسین چیه قیمت مرامیوه قربان
غریب اولان وطنینده آتاسی حیدر تک
قرین درد و میصبت مرامیوه قربان
مزاری گون قاباقیندا قالان آقام ای وای
ایدن بقیعیده اقامت مرامیوه قربان
یتیردی قتله سنی عاقبت او دشمن بی دین
نصیبون اولدی شهادت مرامیوه قربان
ویریبله زهر سنه یاندی قلبون ای مولا
ظهوره گلدی قیامت مرامیوه قربان
حمایت ایلین اولمادی سندن ای مولا
قریلدی رشته ی وحدت مرامیوه قربان
تمام عالم امکان عزایه باتدی بو گون
گوروبدی صدمه شرافت مرامیوه قربان
پیمبر آچدی باشین گلدی نالیه زهرا
دوتوبدی عالمی ظلمت مرامیوه قربان
فنا جهانیدن ایتدون سفر او دنیایه
اورکده مین غم ومحنت مرامیوه قربان
اودمده یادیوه دوشموشدی روزعاشورا
نه غملی اولدی اوساعت مرامیوه قربان
بلا چولونده حسین ایستی قوملارین اوسته
یخیلدی تنده جراحت مرامیوه قربان
آخیردی خاک شفا اوسته خون ثارالله
مقامه چاتدی او تربت مرامیوه قربان
ندا یتیشدی که پاینده ایتدون اسلامی
که ای چراغ راه هدایت مرامیوه قربان
بو دشت درد و بلاده خوش امتحان ویردون
حسین ای گل رحمت مرامیوه قربان
گوزل قیامیوه احسن سنه مبارک اولا
مدال حکم شفاعت مرامیوه قربان
حسین عزیز دو عالم بو (عارف) زاره
غمینم ایله عنایت مرامیوه قربان
- یکشنبه
- 17
- مرداد
- 1400
- ساعت
- 22:31
- نوشته شده توسط
- یوسف اکبری
- شاعر:
-
رضا محمودی عارف زنجانی
ارسال دیدگاه