ای شه اهل یقین
زینت عرش برین
کیم سنه اولموش دخیل
اولمیوبدور دلغمین
مقدمین قربانی اولام ، ای شه خوبان
عالمی رضوان ایدوبسن ، آدیوا قربان
ای رضا جانم رضا جانم رضا جانم
رهبر آزاده سن
شیعیه دلداده سن
سائله لطف ائتمگه
هر زمان آماده سن
گلمیشم درگاهیوه قیل ، دردیمه درمان
دوت الیمدن مستمندم ، منبع احسان
عالم آل عبا
افتخار اولیا
دلده یا شمس الشموس
ایستوروخ سندن عطا
گوهر دریای رحمت ، یوسف زهرا
مظهر تقوا و ایمان ، شافع عقبا
نور چشم مرتضی
ضامن آهو رضا
قبریوه ایسته اولاق
عشقیلن مهمان آقا
قلبیمیزده واردی مولا ، شوق زیارت
درگهون باب رجادی ، ایستوروخ حاجت
فاطمه ریحانی سن
شه لرین سلطانی سن
ساخلیبسان پایدار
پرچم ایرانی سن
عشق پاکونله اورک باتمازغمه مولا
سرور و سالارسن سن ، عالمه مولا
توش اولوبسان فرقته
دوزدون هر بیر زحمته
عاقبت دشمن سنی
چکدی گتدی غربته
دعوت ایتدون تا که گلسین ،طوسه معصومه
گلدی قمدا گیتدی دنیادن ، او مظلومه
- دوشنبه
- 18
- مرداد
- 1400
- ساعت
- 11:50
- نوشته شده توسط
- یوسف اکبری
- شاعر:
-
رضا محمودی عارف زنجانی
ارسال دیدگاه