یا رب کبوتریم بو لانه دن گیدور
تابوت فاطمه کاشانه دن گیدور
رحم ایله ای خدا-یالقوزدی مرتضی
نالاندی دورت بالا-زهرا دایان دایان2
بیکس بالالارا محشردی بو گیجه
بیش یاشدا زینبی آرام ایدوم نجه
هی سسلیور نه نه - ایله نظر منه
قربان اولوم سنه -زهرا دایان دایان2
رخت وفانی من اولسم سویانمارام
نیلی جمالینی قبره قویانمارام
هم زار و خسته دی -پهلو شکسته دی
اوز مرگین ایستدی -زهرا دایان دایان 2
روحون کوسوب مگر منلن باریشمیور
والله کفن سنه زهرا یاراشمیور
من بو قرا گیجه - قبره قویوم نجه
اولمز علی نجه - زهرا دایان دایان 2
سن یات مزاریده روح الامین کیمین
چوخ ایوده تای توشون گزسین گلین کیمین
سن که حیالیسان -حیدر مارالیسان
سینه یارالیسان -زهرا دایان دایان2
حیرانم اوندا بس بو سری بولمدیم
قبره قویان زمان من نیه اولمدیم
یوخدی دیه ن بیری - قالدین ندن دیری
بوش قالماسون یری -زهرا دایان دایان2
- چهارشنبه
- 20
- مرداد
- 1400
- ساعت
- 17:32
- نوشته شده توسط
- یوسف اکبری
- شاعر:
-
حاج فرهاد فکری اردبیلی
ارسال دیدگاه