آغ کفن اکبر عجب رعنا بویا زیبنده دی
بزم یاره هانسی گل گور سن کیمی ارزنده دی
چوخ گوزلّیک لر یاراتمش خلقتون صورتگری
لاجرم تکمیلی بو سیمای مستحسنده دی
کیم سنه باخسا پیمبر روحنه صلوات اوخور
سن اونا آئینه سن حُسن جمالی سنده دی
بیر کیچیک پای طلعتوندن قسمت اوسته آی تاپوب
به بئله ظلمت شکندور بیر بئله رخشنده دی
بیر مناسب واژه تاپسیدیم دئمزدیم بو سؤزی
آخ او شیرین لبلرون تشبیهی شیرین قنده دی
یل وروب کنعانه سالسا زلفوون بیر تارینی
بَلّنر اوندا نچه یوسف قاپوندا بنده دی
- چهارشنبه
- 20
- مرداد
- 1400
- ساعت
- 21:23
- نوشته شده توسط
- یوسف اکبری
- شاعر:
-
سید تقی سیفی اردبیلی
ارسال دیدگاه