عجبدی آه دلیمدن شراره دور توکولور
زبان تیز قلمدن اشاره دور توکولور
ئوزومده بیلمورم عشقیم منی هاراآپارور
نَفَس که من وریام سوگواره دورتوکولور
کتاب عشقه بو لَرزان الیم ورق که ورور
خلوص نیّته خوش استخاره دورتوکولور
چکوبدی روحیمی بیرتنگ کوچیه تقدیر
باخوب نه گوردوم اورا استعاره دور توکولور
میان کوچه ده گوردم که بیرخانم دایانوب
طراوت نَفسیندن بهاره دور توکولور
بیله عَفیفه دی چادرشبین تکان که ورور
دیرسَن عرش خدادن ستاره دورتوکولور
گوروب اوصحنه نی ایتدیم سئوال هاتف دن
بوکیمدی هر نَفسیندن شراره دور توکولور
جواب گلدی بو ناموس شاه خیبردی
ستاره لَردَه سنان گوشواره دور توکولور
دیدیم بو پاره وَرَق لَر ندور یره سَپلوب
دیدی اولار جگر پاره پاره دور توکولور
- چهارشنبه
- 20
- مرداد
- 1400
- ساعت
- 21:24
- نوشته شده توسط
- یوسف اکبری
- شاعر:
-
سید تقی سیفی اردبیلی
ارسال دیدگاه