قویدی چون رزمگه عشقه علی اوغلی قدم
لشکرین نقشه آمالی گوروب نقش عدم
وصف عباس له عاجزدی هامی لوح وقلم
مرد میدان عمل منبع شان و درجات
کشتی دینه وروب سهملی طوفاندا نجات
مرحباسرو رسا قدینه داغ پیکرینه
آلجاقین قبضه شمشیری اوزون اللرینه
تنگ ایدوب دایره جنگی عدو لشکرینه
ساخلیوب دین علمین نقطه پرکار کمی
جنگ ایدور اوز آتاسی حیدر کرارکمی
قلب لشکرده ویروب دین علمین یا ور دین
نور ظلمت آراسینداگورونور مثل نگین
قورخوسیندان دالی ایلندی اونین لشکر کین
کمسه جرات تاپا بولمو زدولانا لا صاق صولونا
تزاولور طعمه شمشیرچیخورکیم یولونا
کوفیان گوردی ابولفضل ایله طوفان یارادیر
جسم لر تپراقا نقش اولدوقیجان قان یارادیر
رزم مردانه سی جانسیز لارادا جان یارادیر
پرجم اسدوگجه فرات اوسته تا پور جان بالالار
تشنه لیق فکرین آتور باشدان او عطشان بالالار
دورت مین اشرار موکل هامی اللرده خدنگ
اولدولار جمله سی عباس له آماده جنگ
دوتدی ماهی لری محو ایتدی او هنگامه نهنگ
موج طو فان دی فرات استونی طوفان بوریوب
داشلانیب قان سویا نهرین سویونی قان بوریوب
چولقو یوب کرب وبلا منطقه سین خوف خطر
وحشت انگیز بیاباندی قرایللر اسر
اوج اعلاده ابوالفضل ده مانند قمر
پارلانیر نهر فرات اوسته سالور نور سویا
گسترور مشگینی هر دم یارادور شور سویا
سیر ایدور عشق له جولان گهی شیر ازلی
اسدیرور نصر من الله علمین اسمز الی
دوتدی یوز نهره خطاب ایلدی با صوت جلی
قویموسان خضری تحیرده نه طوفان سالوسان
آل پیغمبره بیر مشک سویا قان سالوسا
- پنج شنبه
- 21
- مرداد
- 1400
- ساعت
- 11:57
- نوشته شده توسط
- یوسف اکبری
ارسال دیدگاه