الله الله گوندر صاحب زمانیم گلسین
آرام جانیم گلسین امن و امانیم گلسین
آغلور وفالی ایللر القانه دونوب دللر
گوزلر یولونی گوزلر قالمش دعادا اللر
گلسین اوگوزلسرور سیماسی.ملک منظر
رنگیم سارالیب سولدی اوز باغبانیم گلسین
اوز سوگلیمه چاتسام الله قاداسین آللام
قویسن ایاقین گچسین یوز مقدمینه ساللام
عمریم نقدر اولسا کوینده دوشوب قاللام
چوخ چوخ اوجالار اوندا نام و نشانیم گلسین
مظلوم آتامین فکرین یوخ عیبی آتوم باشدان
دینیم دیدی ال چکدوم بی کس باجی قارداشدان
دشمن ایاقین چکسین یوردومداکی داغ داشدان
جان گیتسه ده قوی گیتسین اولادی شانیم گلسین
ایستکلی جوانلارمیز دین اوسته شهید اولدی
تپراقلارا قانلارمیز آخدی دره لر دولدی
چخدی ایله جانلارمیز زلفین آنالار یولدی
دیوان قورانیم گلسین بت سیندرانیم گلسین
من بیر اوغولام ایران ملکیمدی دیاریمدی
سر حد ولایتدن چخمام که حصاریمدی
عشقیم آقاما آیدین آرمیمدی وقاریمدی
حق پرچمی چگنیمده شریانه قانیم گلسین
شاد ایله اوزون الله جمع شهدا روحین
اونلار که ایدوب دین و قرآنه فدا روحین
پیغمبره ور مهمان جنتده خدا روحین
رضواندا دیسین زهرا اوز میهمانیم گلسین
گوندر امامیم گلسین حق پرچمی نی ساچسین
اغیار ایاقی سینسین شادلق چمنیم آچسین
بلبل اوخوسون باغدان غم غصه قویوب قاچسین
مولامین ((امینی))تک مدحین یازانیم گلسین
- پنج شنبه
- 21
- مرداد
- 1400
- ساعت
- 12:6
- نوشته شده توسط
- یوسف اکبری
ارسال دیدگاه