زهرا قیزیام شیر شجاعت یمیشم من
اوّل سنه لبیک اطاعت دیمیشم من
دنیا دولوسی اوستوه لشگر گله قارداش
سینمام سنیلن ورم او گون ال اله قارداش
بیر یاندا اگر جنگ ایده اکبر قباقیندا
منده دورارام چون آتام حیدر قباقیندا
قرآنمیزا قاندا اگر ورملی اولسام
ورم قانمی جاندا اگر ورملی اولسام
زهرا قزیام زینب آدیم معدن ایثار
زهرا کیمی اوللام بولوسن وارد پیکار
بیر شخص گورم سنله دوروب اوز اوزه قارداش
غیرتلیم اوندا گلرم من سوزه قارداش
گوردوم که بیری جدّاً آلبدور اله خنجر
سنلن دایانوب اوز اوزه جنگ و جدال ایلر
منده اولارام جنگه مهیا آنام اوغلی
اولدی نجه که حضرت زهرا آنام اوغلی
زهرا قزیام زهرلی پیکان منی یخماز
دنیا دولوسی رتبه منیم رتبمه چخماز
هم دخت ولایت اولا هم اخت امامت
هم مظهر زهرا اولا هم جدی رسالت
چون فلسفهءعشق کتابینده آدیم وار
هرکیم منی یاد ایلسه دلدن یانوب آغلار
اما من اوزوم عشق چراغین اله آللام
روحیم قوشونی اوندا اولان مشعله چاللام
زهرا قزیام برگهء پیمانیم الیمده
سنلن گیدرم زلف پریشانیم الیمده
گورسم بیری آتموش الینی خنجره قارداش
منده متوسل اولارام داوره قارداش
اوز جدّیم ایدبدور منه چوخ منع جهادی
خنجر گوتوروب جنگ ایلسم امر خطا دی
محکم باشیما بیر قرا معجر چالارام من
پروانه تک ای شمع سنه پر چالارام من
- پنج شنبه
- 21
- مرداد
- 1400
- ساعت
- 19:46
- نوشته شده توسط
- یوسف اکبری
ارسال دیدگاه