ای مدعی که دم ویریسان عدل و دادیدن
الهامییم دیورسن اوزومده مرادیدن
دنیا ورور فریب سنه سنده مردمه
مردم دوشور گورنده سنی اعتقادیدن
آلاتماسین جهاندا گلوم سیم و زر سنی
مشاطه زمانه گلین تک بَزر سنی
اوّل آلار قوجاقینه جان تک قوجاقلیار
صوندان قویار ایاقی نین آتدا اَزر سنی
دنیاچی لر صفینده صفادن خبر هانی
یوخدور بقاسی پایه سی بوش تز اولور فانی
بیر گون ورور ایکمجی گون اوز ویردیگین آلور
شیطان صفتدی اوز باشینا قویمور انسانی
ظلمین چراغی یانمیاجاق تا ابد بابا
مظلومه گل دریلمه لی دور بیر سبد بابا
ظالم اُلن دی ظلم اُلن پیروی اُلن
گیتسن یرونده قویمالی سان نیک و بد بابا
انسان اولور گورنده اجل قاصدین دَلی
تز قاتلانیر گورورسن ایاق سستالیر الی
هی چیرپنیر اویان بویانا هی چکور هوار
مشکل دی دادینه گر اونون گلمسه علی
- جمعه
- 22
- مرداد
- 1400
- ساعت
- 13:33
- نوشته شده توسط
- یوسف اکبری
ارسال دیدگاه