فاطمه ای گل ریحان علی
یار دیرینه پنهان علی
کل عالم سنه خاطر یارانیب
گزلنوبسن ندی ای جان علی
وصل جانانه چاتوبسان یارالی
عالمی گوزدن آتوبسان یارالی
ای عجب دّر گرانمایه کیمی
تپراق آلتیندا یاتوبسان یارالی
اولموشوق عشقیوه دیوانه خانم
دوشموشوخ کوه و بیابانه خانم
درد هجرانیوه دل تاب ایلمور
باغریمیز دوندی آخی قانه خانم
هاردا گزلنموسن ای گوهر ناب
آختارور شیعه سنی با تب وتاب
بوندان آرتیخ بیزی یاندیرما خانم
دور سلام آل بیزه رد ایله جواب
خاک جنت دی یقین خاک بقیع
عمق دن تا خود افلاک بقیع
گوردی سن یاره لی مهمان گیدوسن
ایلدی سینه سینی چاک بقیع
حضرت ختم رسول مدنی
نچه یول امته تاپشردی سنی
دینی دیناره ساتان مرد شقی
عاقبت ایلدی ظلمین علنی
اوندا که کوچه ده باغلاندی یولون
دوتدی بی شرم و حیا صاق و صولون
ویردی بیر سیلی ده گل صورتیوه
قالدون آواره که سینمیش دی قولون
اوندا آفاق اورگین داغلادیلار
مرتضانین قاپوسین باغلادیلار
سرنگون اولدی ولایت عَلَمی
گه گولوب گاه سنه آغلادیلار
چخدی بو ظلم و ستم لر علنه
عدل جو قرمزی قانه بَلَنه
ظلم طغیان ایدور اما نه دیماخ
قالدی ایش صاحب دوران گَلَنه
جنگ مغلوبه دوباره دوشجاق
هر نه بیچاره یه چاره دوشجاق
درد و غملر گیدجاق دم گلجاق
اهل کین اوندا فشاره دوشجاق
فال نیک اولموش "امینی"دن عیان
ایلیور خلقه مجالس ده بیان
جمله عالم سنه مدیون اولاجاق
آنلاسین اهل زمان اهل کیان
- جمعه
- 22
- مرداد
- 1400
- ساعت
- 14:13
- نوشته شده توسط
- یوسف اکبری
ارسال دیدگاه