الهی سنه حمد اولا بی حدود
هزار آفرین صد سلام و درود
فدایم سنون هر عنایاتیوه
یقین ایتموشم کل آیاتیوه
بو قدرت سنون قدرتیندور خدا
که انسان اولوب خلقه نور هدا
بو انسانه سن گل خطاب ایتموسن
حقیقت اونی درّ ناب ایتموسن
وروبسن ازل وقر و وجه و وقار
حیا حرمت و احترام اعتبار
عطا ایتموسن عقل و شور و شعور
فرشته ملک جن و قلمان و حور
رکوع ایلیوب آدمه هم سجود
تقرب تاپوب بو مطهر وجود
قدم که قویوب غیب دن ظاهره
گلوب عالمه طیب و طاهره
بو انسان دا چوخ عزت و جاه وار
حیا آبرو خواه و نا خواه وار
بهشتی اوزون خلق ایدوبسن بلی
وروبسن بیزه فاطمه هم علی
"امینی" ثنا خوان اولوبدور خدا
بو احسانه مهمان اولوبدور خدا
- شنبه
- 23
- مرداد
- 1400
- ساعت
- 16:1
- نوشته شده توسط
- یوسف اکبری
ارسال دیدگاه