ای قاسم شهزاده
دور گلدیم اوغول داده
یورقون یارالی یاتما
بو دشت غم افزاده
ای یار و مددکاریم
وی دلبر و دلداریم
یوخ محرم اسراریم
بیر کیمسه بو دنیاده
جسمون دولی پیکاندی
باشدان باشا القاندی
قلبیم ایوی اودلاندی
ایوای من ناشاده
ایوای باشمین شوری
وی گوزلریمین نوری
مبهوت ایلدون حوری
سن بو دل صحراده
دین کشتی سی لنگ اولدی
بیهوده بو جنگ اولدی
دنیا منه تنگ اولدی
بو بیر غم عظماده
شمرین قوشونی دوردی
هر حیله یه ال وردی
آخر سنی الدوردی
اول شوم بو دعواده
لعن اولسون عمر سعده
آلمشدی ری یه وعده
السین اوزیده ری ده
بو حین قضایاده
سن روح و روانیم سن
آرامش جانیم سن
سن تازه جوانیم سن
من بیر قوجا افتاده
ای قاسم نا شادیم
سن سن تازا دامادیم
دللرده قالیب آدیم
ماتم بو معماده
ای ابن حسن قاسم
صبریمی کسن قاسم
قویدون منی سن قاسم
درد و غم اولاده
ای تاج سریم قاسم
عشقیم هنریم قاسم
سیندی کمریم قاسم
سرسخت بو سوداده
بیچاره "امین" آغلار
آغلار سینه سین داغلار
دائم قره وی باغلار
اول نوکر آزاده
- شنبه
- 23
- مرداد
- 1400
- ساعت
- 17:13
- نوشته شده توسط
- یوسف اکبری
ارسال دیدگاه