السلام السلام ای شه ملک دین
سرور و سرمد و سید ساجدین
عاشق مطلق کشف راز و نیاز
ای امام ای گل زینت العابدین
سرور و سرمد و سید ساجدین
ورمیش الله سنی پای بو عالملره
فخریسن عترت ختم پیغمبره
هم آنان فاطمه هم آتان حیدره
ای امام ای گل زینت العابدین
سرور و سرمد و سید ساجدین
ای بنی هاشمین ایچره انگشت نما
وی اولان عالمین خلقینه رهنما
غبطه ایلر سنه اهل ارض و سما
ای امام ای گل زینت العابدین
سرور و سرمد و سید ساجدین
ای حسینین گوزل یادگاری علی
مرد و مردانه لر شهسواری علی
زینب و کلثومین همقطاری علی
ای امام ای گل زینت العابدین
سرور و سرمد و سید ساجدین
ای خداوندین الحق نشانی آقا
دین یولوندا قویان جسم و جانی آقا
کربلادشتی نین قهرمانی آقا
ای امام ای گل زینت العابدین
سرور و سرمد و سید ساجدین
ای شه ممتحن خسرو بی نظیر
زادهٔ شیر ایا قولاری باغلی شیر
غل و زنجیریلن شامه گیتدین اسیر
ای امام ای گل زینت العابدین
سرور و سرمد و سید ساجدین
سن مهک سنگی سن هر نه نیک و بده
گستروبسن اوزون گوزلره هر نه ده
ابن مرجانه نی سیندیران کوفه ده
ای امام ای گل زینت العابدین
سرور و سرمد و سید ساجدین
گیموسن اگنیوه قاره بیر جامه سن
طی ایدوب یولاری چاتموسان شامه سن
جداً اود ویرمیسان قوم ظلامه سن
ای امام ای گل زینت العابدین
سرور و سرمد و سید ساجدین
کیمدی دنیاده گور سنله اولسون قیاس
ای سنه همده اجدادیوه مین سپاس
ای ایدن عیش لر مجلسین بزم یاس
ای امام ای گل زینت العابدین
سرور و سرمد و سید ساجدین
اوندا آلدین اله مسجد و منبری
سسله دین صدقیلن خالق الاکبری
اوج وردون گوگه نام پیغمبری
ای امام ای گل زینت العابدین
سرور و سرمد و سید ساجدین
کرسی غصب ده اگلشبدور یزید
سن اولان مذهبین دردین ایتدون مزید
چوخلی ناکس لری ایلدون ناپدید
ای امام ای گل زینت العابدین
سرور و سرمد و سید ساجدین
دلده آهون سنون سالدی کونه شرر
اهل مجلس هامی اولدولار بی قرار
اوندا نصرت سنه اولدی پروردگار
ای امام ای گل زینت العابدین
سرور و سرمد و سید ساجدین
- شنبه
- 23
- مرداد
- 1400
- ساعت
- 18:0
- نوشته شده توسط
- یوسف اکبری
ارسال دیدگاه