آغلا ای شیعه گل آه و نوایه
سید ساجدین زین العبایه
کربلادن باتوب یاس و عزایه
(برگردان)
آغلا شیعه یانه یانه
آغلیوب شه زمانه
کربلا غمینده قلبی
اول شهین دونوبدی قانه
آغلا یان یاد ایله زین العبادن
رنج و محنت چکن قوم دغادن
ایندی مسموم اولوب زهر جفادن
جسم بیمارینه چوخ ظلم اولوبدی
کاسهٔ قلبی قانیلن دولوبدی
آغلاماقدان یوزی گل تک سولوبدی
شعلهٔ آهی اود سالمش جهانه
کون و امکانی قویموش یانه یانه
هر گلن ایلدی بیر جور بهانه
چوخ بلالر گوروب قرآنین اوسته
دینه خاطر اولوبدور دل شکسته
درد ایامیدن ائللردی خسته
پایهٔ صبرینه حیراندی عالم
حال و احوالینه گریاندی عالم
شعلهٔ آهینه سوزاندی عالم
امتین گوردی بی حد جفاسینی
کربلانین او قانلی مناسینی
قان ایچینده لب عطشان بالاسینی
اکبرین پیکرین صد پاره گورجک
قانلی جسمینده یوزلر یاره گورجک
آغلادی لیلی نی بیچاره گورجک
گورجگین قاسم نو کدخدانی
عفلتاً سلب اولوب دلدن توانی
صبرلن وردی حقاً امتحانی
گل سولوب آغلیور بلبل چمنده
اووچیلار سیر ایدور دشت و دمنده
چکدی آه اصغری پیکان امنده
اود دوتوب خیمه لر یکسر تالاندی
صبرینین کاسه سی جوشدی جالاندی
قلبی غم غصه لردن پارچالاندی
افّ اولا روزگار کج مداره
گوندوزین دوندروبدی لیل تاره
باخ "امینی" یازان شعر و شعاره
- شنبه
- 23
- مرداد
- 1400
- ساعت
- 19:38
- نوشته شده توسط
- یوسف اکبری
ارسال دیدگاه