چکماقا باش بو باشسیز قالان گله
خوش گلوبسن بو ویرانه منزله
عمرمین آخرین لحظه سینده یم
آز قالیردوم بابا ایلیم گله
قالموشام آواره گلموسن قیل چاره
گرچه بیر غملی غمخوار الینده یم
یاره لی بیر قوشام یار الینده یم
لیک بلبللریم باغریقان گزور
بیر سولان غنچه یم خار الینده یم
قالموشام آواره گلموسن قیل چاره
گون غروب ایلینده اذان چاغی
غصه لی حالیمی غم پوزان چاغی
آغلارام یادیمه اکبریم دوشر
هر باجی قارداشا سوز یازان چاغی
قالموشام آواره گلموسن قیل چاره
گوگده چشمک ویراندا ستاره لر
حسرتیلن باخار ماه پاره لر
عمه م آهی آه اوستن چکن زمان
یاندیرار قلبیمی اول شراره لر
قالموشام آواره گلموسن قیل چاره
نصف شبلر بی بیم لایلاییم سولور
دردیمی اوز آنامدان قباق بولور
اوز قولاقیمله بیر سوز ایشیتموشم
سسلدی گل حسین سوگلون الور
قالموشام آواره گلموسن قیل چاره
محو اولار باخسا بلبل جمالیوه
بلبلم مایلم گل جمالیوه
کوفیان هاردا منزل وروب سنه
اگلنوبدور بله کل جمالیوه
قالموشام آواره گلموسن قیل چاره
گورموشم آننوین اوخ یاراسینی
ایلین اولموب افسوس چاراسینی
صاف یرین گل یوزونده گورنمورم
سن بویور من اوپوم بس هاراسینی
قالموشام آواره گلموسن قیل چاره
سقف سیز دور بابا منزلیم منیم
گون شاخور ایستی دن یوخدور ایمنیم
عمه مین کولگه سینده گچور گونوم
نیلیوم یوخدی بیر آیری مسکنیم
قالموشام آواره گلموسن قیل چاره
گورمه سین لاله تک باغری قان منی
خلقدن ایلیور عمه م نهان منی
کیم گچور کوچه دن ال چالور باخور
هی گولور آغلادور شامیان منی
قالموشام آواره گلموسن قیل چاره
باغبان گل سولاندا باخار یانار
یاندیرار بلبلینده یاخار یانار
هرزمان که"امینی"آدیم یازار
اشکی گوزدن عذاره آخار یانار
قالموشام آواره گلموسن قیل چاره
- شنبه
- 23
- مرداد
- 1400
- ساعت
- 19:44
- نوشته شده توسط
- یوسف اکبری
ارسال دیدگاه