قلم ایستور یازا غم دفترینه هر آدی
تاپا مشهور ایده غم غصه چکن افرادی
گترور رشتهء تحریره آقام سجادی
آتاسی دهر ده مظلوملرین مولاسی
اوزونین سینه سی غم غصه لرین دریاسی
او شهین صبرینه حیراندی بشر افکاری
پوزولوب کرب وبلا ده گلی هم گلزاری
ویریلوب بوینونا زنجیر گزوب بازاری
ایاقی باغلی قولی باغلی باشی غوغالی
هانی دنیاده بو مولانین اولان امثالی
شجر غیرتین الحق ویریلان شهبازی
سپه وسنگر دینین یورولان سربازی
درویرانه ده مشهور اولونان اعجازی
ایدن اعجاز امامتله طلا تپراقی
قورویان نخلی ایدر تازه جلا تپراقی
ایله بیر شخصدی افلاکه اولوب پیرایه
یاییلوب شهرتی گون مثلی رخ دنیایه
وروب الله کراماتی اونا سرمایه
آپاروب سهم سزاوار هامی نعمتدن
صبرینین قیمتی ایّوبی سالوب قیمتدن
شهدا شرحینه منطقله آچان پرونده
اسرا فوجی نی سیرینده قویان ایمنده
عملی قولی برازنده سوزی ارزنده
الینه ذره جه شاماتیده فرصت آلدی
طلقا اوغلونی بیر خطبه سی تختدن سالدی
آتانین قان بوروین باشی گزور اللرده
دایانیب بزمده جلادین الی خنجر ده
اودا اگلشدی دلیرانه اوجا منبر ده
دیدی من زادهء پیغمبرم ای ناکسلر
بیله تاپشیرمیوب اولادینی هیچ پیغمبر
تانمور سیز منی من سرمد هر انسانم
هامی مخلوق ایکی عالمه من سلطانم
دیمورم هرنه یم اما دیورم مهمانم
سیزه واجبدی گرامی دوتاسیز مهمانی
دیمیون خارجی خوار ایلمیون زهرانی
منیم اجدادیمه اول بیت خدا محرمدی
حرم و زمزم ومرویله صفا محرمدی
عرفاتین چولی هم کوه منا محرمدی
اوهمان یرده خلیل اللهه قربان گلدی
بیزه ده بیر ملک وحییله قرآن گلدی
بیزیم آیات گلوب شأنیمیزه قرآندا
آدمیز نوحی چکوب مهلکه دن طوفاندا
بوقدر که اوزیوی تک گوروسن میداندا
گتروبدور سنه مغروریتین گمراهی
گوزیوی قان دوتوب هاردان گوروسن اللهی
بیزیم اول عهد الستیده اولان امضامیز
اوجالیق رنگینه گل تک بویانان سیمامیز
یخاجاق قصریوی پیروزی عاشورامیز
بو تکبر که سنون بورنوی یللندیردی
سبب اولدی منی بو بزمده دیللندیردی
اوزمان که ایتی شمشیرلروز زاغلاندی
بیبیمین باجیلاریمون اورگی داغلاندی
من اوزوم زادهء شیرم که قولوم باغلاندی
ایله که گلدی جسارتله رعیت شاهه
دوشجاق شیر مسلم تلهء روباهه
یاز"امینی"ایله عرفان یارادان اشعاری
اسرا سروری پیمان بلا بیماری
الیوه طبعیوه گفتاریوه قلسین یاری
نقدر اوز آقا وا آغلامسان دنیاده
اولاسان شاد و خرامان گوله سن عقباده
- شنبه
- 23
- مرداد
- 1400
- ساعت
- 19:47
- نوشته شده توسط
- یوسف اکبری
ارسال دیدگاه