ور خبر ای باد صبا ایللره
قورسین عزا مجلسی پیغمبره
حضرت زهرا و علی شاه دین
یاسلی عزالی قالیب اول سروره
دوندی عجب چرخ زمان یانلارا
ظلم و جفا ایلیوب انسانلارا
دوشدی ریاست الی نادانلارا
اونلارا که اولموشودی هی وره
حج وداع گیتدی فراموش اولوب
نور حق دین ایله خاموش اولوب
دین چی لرین کلی سیه پوش اولوب
اللری قوینوندا قالبدور هره
حضرت زهرا اوزی قان آغلوری
گوزدن اولور اشگی روان آغلوری
ایلوری دین اهلی فغان آغلوری
یاسه باتوب پیر و جوان یکسره
الدی که پیغمبر ایاخلاندی دین
قالدی یامان گونلره اهل یقین
باغلادیلا حضرت علی نین الین
نسگیل اولوب فاطمهٔ اطهره
ویردیلا اود یاندی در خانه سی
اولدی قیامت کده کاشانه سی
محسنی سقط اولدی اوجالدی سسی
عرش معلای حق داوره
هاردا گلین سازشی وار خاریلن
یا آدامین یاندراجی ناریلن
یاره لنوب سینه سی مسماریلن
ضربه سی یخدی اونی پشت دره
فاطمه اوز قانینه اولدی خضاب
اولقدر از بس که چکوبدور عذاب
ایلیه بولموردی خانم ذره تاب
چاره و امداد ایلسین حیدره
آنجاق ایاقه دوروب اول هانیه
حیرصی نی القصه توکوب ثانیه
گلدی سراسیمه حرم خانیه
گوردی هامی ایشلر اولوب یکسره
صبر و قرارین وروب الدن بتول
دختر دیرینهٔ ختم رسول
قویمارام اولسون دیدی مولا ملول
حمله ایدوب مردم یغماگره
هاردا خطاب ایتدی عمواوغلوم علی
حجت یزدان و سراج جلی
غیرینه قویمام دگه الله الی
آتدی الین باشدا قرا معجره
بسدور " امینی" سن آز ایله فغان
گون تک اولوب خلقه شعارون عیان
فاطمه نین یوز گوزی پهلوسی قان
حقی گینه ورمه دی ناحق لره
- یکشنبه
- 24
- مرداد
- 1400
- ساعت
- 10:51
- نوشته شده توسط
- یوسف اکبری
ارسال دیدگاه