یارب روان اولموش عجب قان اورگیمدن
چخور غم و اندوه بو شانشان اورگیمدن
آرامشی سلب ایلیوب هجران اورگیمدن
قالدیم دل طوفاندا من خالق الاکبر
ترک ایلدی دنیانی بو گون ختم پیمبر
رحم ایله اوزون فاطمهٔ اطهره یا رب
الانه عزاداریدی پیغمبره یا رب
هم رنگ و هم آهنگ دی بو حیدره یا رب
دنیانی وداع ایلدی بو ختم رسولان
فقدان پیمبرده اولوبدور اورگی قان
یار الدی قالیب دین حق اغیار آراسیندا
یاران علی عده اشرار آراسیندا
زهرا ده قالبدور در و دیوار آراسیندا
مسمار دلیب سینه سینی قان آپاربدور
مولاسینی ده غاصب دوران آپاربدور
اسلام علمی دوشدی علمدارین الیندن
اغیار آلیب البته اونی یارین الیندن
حق زاره گلور ناحق غدارین الیندن
آلدی اله بیر غاصب اوگون حق علی نی
خاموش ایلدی نور چراغ ازلی نی
محو ایلدیلر مشعلهٔ حج کبیری
حق صاحبین ایتمیشدیله ناحقین اسیری
اویموشدی بتولینده که قلبین آتا تیری
قالمشدی قرانلیقدا بو دنیاسی بتولین
گوز یاشی گوزوندن یوزه ایلوردی روانه
آهیدی نوائيدی که سالمشدی جهانه
بیگانه گتیرمیشدی او مظلومه نی جانه
جسمی اریمیشدور بدنی نیمه جانیدی
آغلاردی یاناردی یری بیت الحزنی دی
بیر گون واریدی گلدی او خاتونه گزارش
بو بکر اوزی گوندرمیشیدی بیرجه سفارش
بیر خامه ده اول خائن ایدبدور بیله خواهش
جمع ایله بساط غم و اندوه و ملالی
گوندرمه داخی مسجده بو قال و مقالی
بولدی او گزارش که گلوب ضرب الاجل دی
بیر عده او بیت الحزنی یخماقا گلدی
غم تیری محن تیری اونین قلبی نی دلدی
گلدی اوتوروب ایوده شرار غمه یاندی
اول قدر آتا هجرینده یانیب جانه اوساندی
تار اولدی "امینی" سنه بو فانیه ایام
بو حضرته آغلار قالاجاقسان سحر آخشام
تا اولمیوب اللهین اوزوندن سنه الهام
هرگون بیر ایوه ناله و افغان سالاجاقسان
آخرده وهابیته طوفان سالاجاقسان
- یکشنبه
- 24
- مرداد
- 1400
- ساعت
- 10:55
- نوشته شده توسط
- یوسف اکبری
ارسال دیدگاه