کج ایشلوردی سیرده بو چرخ کج مدار
انسانلارین گوزونده گون اولموشدی تیره تار
عدلین چکلمیشیدی غرض دورینه حصار
باطل سالوردی کوی و معابر ده سرصدا
بیردن یتوردی بحر مراد ایچره ناخدا
عدلین صداسی باتمشیدی چخمازیدی دای
بیر کس یوخویدی اوز کسینه ایلسین هرای
خلقین ایچینده عرشه اوجالمشدی آه و وای
ظالملرین الینده اولان بیر کمانیدی
مظلومی لردن عرشه چیخان الامانیدی
ایشلردی کج مداریده اول گردش زمان
قالموشدی مرد و زن هامی سی مات و سرگران
غیرت واریدی کیمده اونا تنگدور جهان
وجدان گوجیله خلقه نظار ایلیردیلر
ناموس مردمه گوره عار ایلیردیلر
اولموشدی مردمه بلی سفیانیلر آقا
عیسی بن مریمین یولی باتمشدی باتلاقا
اگمشدی ره روین یولونی هم صولا صاقا
بیر کس یوخویدی خلقه او گون رهنما اولا
توپلاردیلارجماعتی هی صاقا صولا
گیزلنمیشدی شرم و حیا وجهه و وقار
حرمت یوخویدی عار ایله اولموشدی تار و مار
ایلوردیلر خانملاری دا خانلارا شکار
البته مردم اوزلری ده بیشعوریدی
قزلاردا اولجاقین آنادان زنده گوریدی
قیز اوغلانا خانم خانا اولسیدی روبرو
فسق و فجور اولاردی او هنگامه ده شرو
قویمازدیلار که جامعه ده قالسین آبرو
هر کیمسه نین قولوندا چوخ اولسیدی قدرتی
اوز میلینه دوشن یره توپلاردی ملتی
حقین الین ایاقینی ده باغلامشدیلار
بیجا یره که سینه لرین داغلامشدیلار
قان توکمگه قلجلارینی زاغلامشدیلار
قویجاق قدم جهانه شهنشاه ملک دین
آلدی اله شهامتیلن دین بیرقین
دقت قیل ای قلم او خداوند اکبره
اذن ظهور وردی قدوم پیمبره
ایتدی تمام ایشلری دنیاده یکسره
سالدی تمام باشلارا عزتلی سایه سین
قویدی نشان اوزوندن او گون کوثر آیه سین
اوّل کمال اهلی چاتبدور سعادته
بیر بیر قدم قویوبلا مسیر نبوته
آگه بویوردی مردمی عین حقیقته
فرمایش ایلدی سیزه من نور سرمدم
پیغمبرم که صاحب دینم محمدم
ربیم نجات کشتی سی یم گوندروب منی
تزریق ایدم جماعته من هر قضیه نی
آلام بهای جانلا سیزه ورم ایمنی
قصدیم بودور که خلق خدا رستگار اولا
انسان دوباره دهرده با اعتبار اولا
عزت شرف کلاهینی محکم قویون باشا
وجهه وقاری سعی ایلیون ورمیون داشا
حرمت گتورمشم باجیا هم ده قارداشا
بطلان خطی گرک چکه سوز دهر فانیه
حتما یترسوز ایسته دیگوز زندگانیه
اوّل بودور که قیزلاری دقتله ناز ایدون
عزت ورون بهانه ئیلن سرفراز ایدون
الدورمیون اوغولاریلن هم تراز ایدون
قیز خلقتین خزانه سینه زر مثالی دور
اوغلانلاریزدا قیزلارا زرگر مثالی دور
حاصل جهانه قویدی قدم خاتم النبی
الحق سران امته آندیردی مطلبی
امت گوزینده سانکه نهار ایلدی شبی
کونه صفای مقدمی صلح و صفا وروب
چوخلار مریض دور که پیمبر شفا وروب
جداً آخیردی بیر بیره تز تز ستاره لر
هر کیم ایشیتسه بو خبری اشک شوق الر
ویران گوروبلر اوزلرینی هرچه کاره لر
شیطان که اونلارین ابدیت آقاسی دور
دوردومجی گوگدن اولدی رها ایندی یاسی دور
اونلار که چوخ زمانلار ایدوب یاریدن یاری
بولمزدیلرکه بیرگون اولار قهر ایدر یاری
فرعوندنده پست دور ایام شاهلاری
بیردن گوروبله تاج سر و تختی سرنگون
گوزلر خماردور بو ایشه قلب لرده خون
حیرتده قالدیلار گجه نی چوخلی شیخ و شاب
دریاچه خشک اولوب چکلوب فرشته گیتدی آب
سحرین جمالینه ابدی چکدیلر نقاب
گیت بیر مدائنه اوزیوه عبرت آل قییت
دنیانین آخرین دوشونوب یاده سال قییت
چیخ بیر قلم کناره بو شهر مدینه دن
چوخلار الین گوتورموب هله بغض و کینه دن
شیطان دوتوب بیلکلرینی بولمورم ندن
آلاتمش اونلاری هله دهرین گوزللری
یاددان چادبلار علت اودور بنده پروری
ایچمز فریب شربتینی مرد نیکنام
دنیانی دوست دوتانلارا سن ایتمه احترام
بیگانه دور " امینی" یه بو دهر والسلام
چوخ گورسنور بو دهره اویانلار گیدنده یول
ذلت چکور زمانیه نفرین ایدور بیول
- یکشنبه
- 24
- مرداد
- 1400
- ساعت
- 11:6
- نوشته شده توسط
- یوسف اکبری
ارسال دیدگاه