حق زینب کبرانی بیر انسان یارادبدور
انساندی بلی مفخر نسوان یارادبدور
پیغمبر طاهایه بیر احسان یارادبدور
اول دم که قویوب دهره قدم تاپدی تولد
حیدردن آلیب رتبه اَمیب فاطمه دن صود
زینب نجه زینب تازا گلمشدی جهانه
اولموشدی خانم حضرت زهرایه نشانه
گتدی وره پیغمبره من باب بهانه
عرض ایلدی یا خاتم مرسل بالام آغلور
آفاق اورگین آغلاماقیله بیله داغلور
امر ایتدی بونین سوملی بیر یولداشی واردی
آغلور گوروسوز هر ایکی گوزده یاشی واردی
آچماز گوزینی اونسوز حسین قارداشی واردی
دیداره حسینیم بونا ساری قاچار ایندی
غم ایلمیون گوزلرین آخر آچار ایندی
زینب نجه زینب دلی دیوانه حسینه
عشق عالمینه یانماقا پروانه حسینه
اولموشدی بلی همدل و همخانه حسینه
هرچند اوزینی عشق ده چوخ مشکله سالدی
لیک آدینی دنیا بویی دلدن دله سالدی
زینب نجه زینب بلی عشقه حاجی زینب
اللرده کسرلی قمه باشلار تاجی زینب
زهرا صفت و تشنه حسینه باجی زینب
مانند علی شیر خدا شمس ولایت
اولدی اودا الله تعالایه بیر آیت
زینب نجه زینب شرف آئينه سی زینب
زینب آدی زینب اوزی هم سینه سی زینب
قرآنین اولان یاور دیرینه سی زینب
قرآنی تلاوت ایلیوب آیه به آیه
صلوات و سلام ایلدی کل شهدایه
شیرین بالاسی اولماق همین شیرزن اولدی
خیبر شکن نین زینبی خیبر شکن اولدی
ال وردی حسینه اودا ضد فتن اولدی
سعد اوغلونا سسلندی دینن شمر پلیده
بیل باغلاماسین شامده هند اوغلی یزیده
زینب نجه زینب بونا غبطه ایدر حورا
لازمدی بو فرزانیه حورا قورا شورا
پرونده عاشور بلا شور نشورا
اود ویرمشیدی خیمه شاهانیه کفار
آز قالمشیدی خیمه سراده یانا بیمار
من زینبم آهیمله اونی یاندرا بوللم
بیر نطق شرر باریمیله قاندیرا بوللم
اوز کاخینه دربارینه آسلاندیرا بوللم
بولسین که منیم یاریم او ذات ازلی دور
حرمتلی بالام دا اسدالله العلی دور
زینب نجه زینب اونا کافیدی مرامی
گوردی قاتیب اول شوم حلالیله حرامی
تسخیره چکبدور ایله بیر خطبه سی شامی
آباد اولوب الان گوروسوز کنج خرابه
تنگ اولدی بو وسعتلی جهان اهل شرابه
زینب نجه زینب بشر آفاقینه بیر ماه
درگاه خداوند جلی دور اونا درگاه
بیر آهیله قافلان داغی نی زینب ایدر کاه
ایندی نجه کی کاخ ستمکاری داغتدی
آثارینی بیر خردا علمداری داغتدی
زینب نجه زینب بلی سرکرده نسوان
آتمش ایکی لشگر آراسیندا قوتاریب جان
منده یازیرام جانیم اولا زینبه قربان
من بیرجه"امینم" که اوزوم شاعر ساده
ثبت ایلمیشم زینب آدین بحر بکاده
- یکشنبه
- 24
- مرداد
- 1400
- ساعت
- 11:23
- نوشته شده توسط
- یوسف اکبری
ارسال دیدگاه