بهمن آیی ایللریمیز اویانیب
غصه کدر غم لباسین سویانیب
دشمنیمیز ایندی قانا بویانیب
قربان اولوم خمینی نین آدینا
سالدی بو قوچ ایگیتلری یادینا
روح خدا درده یانان کیشی دی
خلقی اویاق سالماق اونون ایشی دی
درده یانان سویلیوب ارتشی دی
سیلکلیون بلکه یاتیب اویانا
تز اویانیب گلسین اوزی بویانا
الله آچیب سیز لره درگاهینی
درک ایده سوز بلکه اورک آهینی
هامی گوروب پهلوی نین شاهینی
ایندیه تک خلقه یالان دیوب ها
نفتی ساتیب اوز باشینا ییوب ها
دوزموشیدی ملتی بیر قطارا
خلقی یغیب قطار قطار آپارا
گونلر اولوردی گونی گوندن قارا
پهلوی نین دای شله سی سوکولوب
ایپ قیریلیب هر نه ای وار توکولوب
سیزده دورون آرخالانون آرادا
قویمیون اول قوردی فساد یارادا
زحمتوزی ورمیون آخر بادا
دنیادا بیل باغلی دی بیر آللاها
آد که خراب اولدی گیدر بادا ها
توپلامسوز انگلیسی قیراغا
ایندی اولوبسوز اوزوزه بیر آغا
هم صولا میل ایلیسوز هم صاغا
صاغدا و یا صولدا یاروز دولانور
باشیزون اوستونده تاروز دولانور
ال بیر اولون بلکه الوز آچیلا
باشلاریزا تاج شرف ساچیلا
آزجا قالور بختیار دا قاچیلا
اربابینه گوزلوری شام آپارا
سیزده ورون شاهه پیام آپارا
آزجا قالور قیش قوتارا یاز اولا
ایستی دوشه درد و غموز آز اولا
شاد اولاسوز کیف داماغوز ساز اولا
ایندی یامان گوندی دورون ایاقا
سد ویراقون مرزیده بد سیاقا
منده اله آلدیم "امینم" قلم
چیگنیمده بیر قرمزی قانلی علم
خسته یم ای دل آزالیب حوصلم
ایلریمین عشقینه من گزورم
ایندی بیول اوز باشمی ازورم
- یکشنبه
- 24
- مرداد
- 1400
- ساعت
- 11:24
- نوشته شده توسط
- یوسف اکبری
ارسال دیدگاه