آتام ئولوب قاپومی یاندیروب منیم اشرار
یانا یانا پوزوب احوالیمی در و دیوار
اوتانیرام یارامی گسترم سنه والله
نجه دیوم که ایدوب سینمی یارا مسمار
آتام ئولندن اولوب امّتی منه یاغی
سولوب او گوندن ایله عمرمون گلی باغی
باخا باخا گوزوموز دین ایا قلانیب ای داد
چکوب عدو اورگیم باشینه بله داغی
آتام الوبدی قضا یاغدیروبدی غم باشیما
قضا دیمیشدی قدر گلدی دم به دم باشیما
یازیم یاییم قورتاروب گونلریم پائیز گونی دور
دومانلی یام یغشوب داغ مثالی چم باشیما
چمنده بلبل غم غم سوزون سالیدی گله
گلین سولان یوزونه اشکی چشمدن توکوله
یرین عزیزی الوب گوگلره قرا چکیلوب
من آغلیاندا ولی قونشولار گلوله دله
آتام جنازه سینی بوکممیشدیلر کفنه
عدو جسارت ایدوب دینه هم عمواوغلی سنه
عمامه وی قولوا سالدیلار الیک سنون
همان زماندا دگوب تازیانه سیلی منه
- یکشنبه
- 24
- مرداد
- 1400
- ساعت
- 11:26
- نوشته شده توسط
- یوسف اکبری
ارسال دیدگاه