فاطمه ریحانه دی پیغمبره
دختر فرزانه دی پیغمبره
خبره بیری اولماسا قرآنه گور
کیم بولر آیا نه دی پیغمبره؟
فاطمه پیغمبره دلداریدی
حیدره هم محرم اسراریدی
هرنه اونین خاطرینه خلق اولوب
ذات ازلدن بو نموداریدی
فاطمه ذات ازله بنده دی
خلقت ایچون بیراوجا پرونده دی
شکل و شمایل ده بیر انسان ولی
حور و ملک دن ده بو ارزنده دی
فاطمه بیر نور جلی دور جلی
مظهر ذات ازلی دور بلی
همسری چون شیر خداوند دور
فاطمه نی شیر بجردوب علی
فاطمه مظهر دی حق داوره
وردی خدا پای اونی پیغمبره
ختم پیمبرده به اذن حدا
فاطمه نی عقد ایلدی حیدره
فاطمه نور ازلی فاطمه
هم ده گوزللر گوزلی فاطمه
دختر فرزانهٔ ختم النبی
همسر بینای علی فاطمه
فاطمه فخر بشریت دی ها
کان وفا مخزن غیرت دی ها
سرور نسوان دو عالم دی هم
حجب و حیا معدن حرمت دی ها
فاطمه ام الاب و ام الامام
هاردا گورولموش بیله شیرین کلام
عالمی گفتارینه حیران ایدوب
مریم اولوب کلفتی عیسی غلام
فاطمه پیغمبره کوثر گلوب
ساقی کوثر اونا همسر گلوب
زینب و کلثوم و حسین و حسن
بیر قمره هر بشی اختر گلوب
فاطمه بیر آی دی سمادن گلوب
حیدره بیر پای دی سمادن گلوب
واردی اونین سوملی الدوزلاری
بیر بیرینه تای دی سمادن گلوب
فاطمه دور اون بیر امامه آنا
گلمز او حضرت ده شرافت سانا
درس حجابه اولوب آموزگار
شافعه دور روز جزا انسانا
فاطمه زهرادی زن با صفا
همنفس شاه جهان مرتضا
شأن و مقاماتینه کافی دی بو
شافعهٔ روز بلند جزا
فاطمه عفت لی لرین تاجی دی
کعبه عشقه اوزی بیر حاجی دی
دهرده هرقدر جماعت که وار
روز جزا فاطمه محتاجی دی
فاطمه رب الاحده هانیه
هانیه محرم دی حرم خانیه
بیر سوروشان یوخدی "امینی" ندن
نیلمیشیدی گورون اول ثانیه
- یکشنبه
- 24
- مرداد
- 1400
- ساعت
- 11:41
- نوشته شده توسط
- یوسف اکبری
ارسال دیدگاه