قویدی اولدم که قدم عرصهٔ دنیایه تقی
وردی نوریله رخ عالمه پیرایه تقی
نهمین ولی خدا
نوگل امام رضا
مقدمون مبارک اولا
نهمین ماه ولا چهره سین ایلوبدی عیان
دولدوروب جامعهٔ خلقتی شور و هیجان
بیربیرین گوردی سویندیر ی زمینیله زمان
یعنی سالمش اولارین باشلارینا سایه تقی
ذات یکتا اونی دین اهلینه سلطان ایلدی
دوندروب یر یوزینی طُرفه گلستان ایلدی
شهر پیغمبری چون جنت رضوان ایلدی
اولدی پیغمبره هم دینینه سرمایه تقی
گوردی دریای محبت ده دگور بیر بیره موج
ایلیور نور جمالیندن او شاهین گوگه اوج
عرشدن فرشه ملک حور گلور فوج به فوج
رونق آرتیردی ملک اولدوقی مأوایه تقی
پارلانیر وادی وحدتده چراغ ازلی
انبیا سروری نین دوقوزومونجی گوزلی
نام زیباسی محمد اوزی فرزند علی
صوت صلواتینی یولاردی ثریایه تقی
اولدی معناده ملک همدل و همراز تقی
دوشدی دلدن دله ایلدن ایله آواز تقی
جمله جادولری محو ایلدی اعجاز تقی
اوخشایور معجزه ده حضرت موسایه تقی
آسلانیب شیعه نین آفاقینه قندیل بلور
آی نه قندیل یوزیندن یایلور عالمه نور
دهم ماه رجبدن که بو آی ایتدی ظهور
دوشدی موسی کیمی بیر شانلی مصلایه تقی
درگه قدسینه ای شیعه دوشوب ایسته مراد
چون آچوب سفره احسانینی بخشنده جواد
قیلسا کیم آدینی هم یادینی صلواتیله یاد
حشر اولونجا اولار اول کیمسه یه همسایه تقی
حضرت حق سنه یار اولسا "امینی" گینه یاز
قیل بو شاهنشه محبوبیله سن راز و نیاز
گاه نوکر گوروسن ایلیور اربابینه ناز
شاد و خرم دی بوجور ناز و تمنایه تقی
- یکشنبه
- ۲۴
- مرداد
- ۱۴۰۰
- ساعت
- ۱۳:۴۸
- نوشته شده توسط
- یوسف اکبری
ارسال دیدگاه