بوگون آفاق ولایت ده تجلی تاپدی
گوزلیم گوزلره بیر نور هدا گورسندی
کره ارض دن افلاکی ایشیقلاندیرسین
اوجا بیر منطقه دن ماه لقا گورسندی
بیزه الله اوزی بیر مژده وروب قرآن دا
بو محبت گرک اولسون دلِ هر انساندا
چخاجاق بیرگون او درّی که قالور پنهاندا
نجه که طور ایشقلاندی سینا گورسندی
هامی گوزلر که گوزتلور او مه سیمانی
چخا بیرگون دوتا نورانیتی دینانی
گونه گیزلن دیدی نرگس خانمون دامانی
منیم اوستومده بو شمس عرفا گورسندی
بیله نقل ایلوری سلمان اوزی پیغمبردن
دیدی نسلیم گلجاق فاطمه و حیدردن
دیون اول گون یتیشیبدور حسن العسکردن
یوزی گوندن ده گوزل نازلی بالا گورسندی
او که گون مثلی منوردی رخ زیباسی
آدی مهدی و محمد دی کرم دریاسی
نه جلالیله گلور شیعه لرین مولاسی
رهِ پیرولر ایچون راهنما گورسندی
مه شعباندا آیین نصفی گوزل ساعتده
آتاسی ذکر عبادتده آنا طاعتده
گوزونی آچدی جهانه ایله بیر حالتده
یری سرتاسر ایشقلاندی سما گورسندی
دل سامره ده سس قوپدی صدا قوزاندی
یغشوب جهل و جهالت قاپوسی باغلاندی
چکیلوب ظلمت عدالت چراغی تز یاندی
داغلوب هرطرفه سلم و رضا گورسندی
ایشیدن بیر بیره شوقیله بشارت گتدی
گوگین اولدوزلاری آی گوردی اشارت گتدی
ملکوت اهلی یره برگ زیارت گتدی
هامیا پنجرهٔ حجب و حیا گورسندی
اورگ آئینه سی هر شیئی چکور تصویره
اوزی ناظردی صواب ایشلره یا تقصیره
او مقصر که اونین بوینی گیچر زنجیره
گوره جاقدور گوزه بیر قانلی لوا گورسندی
آدین ای شیعه قویانلار آدیزون قربانی
بیزه پیغمبر رحمت یتورن قرآنی
بویوروب ساخلیاجاق زنده حسینین قانی
او همان قاندا منا کرب و بلا گورسندی
ای اولان بادهٔ عشقین اولین مخموری
سنی شوریده سر ایلوبدی حسینین شوری
اله گلسین دولانیرسان اورگین منظوری
گیدوب اگلش گوزه هر بزم عزا گورسندی
نجه بلبل چکور حسرت یاشاسین گللرده
بیزیده کرب و بلا عشقی قویوب چوللرده
یاز "امینی" سوزون آخر قالاجاق دللرده
اوخی شاید سنه ده راه نجا گورسندی
- یکشنبه
- 24
- مرداد
- 1400
- ساعت
- 14:32
- نوشته شده توسط
- یوسف اکبری
ارسال دیدگاه