یره گوگدن بیان گلدی
اولوب آیدین عیان گلدی
ورون بیر مژده سیز یاران
امیر شیعیان گلدی
گوزل آدی علی هادی
لقب دنیایه مولادی
اوزی شیرین سوزی شیرین
یوزی آیدان دا زیبادی
ولایت برجینون ماهی
عدالت ملکینون شاهی
عموم خلقه درگاهی
اولان کهف الامان گلدی
قدم قویدی بو دنیایه
وروب دنیایه پیرایه
سالبدور باشلارا سایه
امام مهربان گلدی
فراز عرف ده اختر
عمیق و عمق ده گوهر
نبیر ختم پیغمبر
علی قهرمان گلدی
باخ اعجازه او سرورده
اوزی حقدن نظر کرده
واریدی بزم دیگرده
اورا چوخ میهمان گلدی
امام هادی باجادی
دیسم دنیایه مولادی
ولی عصره بابادی
بیله شرح و بیان گلدی
گلور اوغلی حسن اوندان
الینده بیر گوزل برهان
او مولایه جانیم قربان
یوزینده بیر نشان گلدی
مراد اوندان بیر انسان دور
امام کون و امکان دور
حسینه صاحب قان دور
حسین قانین آلان گلدی
اودور مومن لرین یاری
پوزار پرگار کفاری
اونی پنهان ایدوب تاری
آدی صاحب زمان گلدی
امین اولسان حقه سنده
دییر خالق سنه بنده
"امینی" اولما شرمنده
آدون دوز نوحه خوان گلدی
- یکشنبه
- 24
- مرداد
- 1400
- ساعت
- 18:11
- نوشته شده توسط
- یوسف اکبری
ارسال دیدگاه