مژده ویر باد صبا یاره دئنن یار گلور
چگمسون غم بو قدر دلبر دلدار گلور
نور حسنیله منور ایلیوب دنیانی
جلوه حقدی اولوب بیله پدیدار گلور
دیمه بوندانصورا بیگانه لره دردوی سن
لطف ایدوب حضرت حق محرم اسرار گلور
گلشن فاطمنون سویملی زیبا گلودی
فاطمه دشمننون گوزلرینه خوار گلور
گله اوخشاتسام اونون صورتین انصاف دگل
فیض آلا محضرینه گلشن و گلزار گلور
اوخشادام انجم مهرو مه هیهات یوزون
نور حسنی بولارین نورین ایدر تار گلور
گیم باخا قامتینه صورت و خال لبینه
دم به دم سسلنجگ احمد مختار گلور
ذوالفقار الده گوره کیم اونی فوراً دیجگ
اشتباه ایلمیون حیدر کرار گلور
دوتاجاق نصر من الله علمین بیر الده
عالمه سس دوشه جک دینه علمدار گلور
خانه ی عدلی بودور عدلیله آباد ایلین
ایلین ظالمی مین درده گرفتار گلور
حقی ناحق ایلین شخصلر آگاه اولسون
وارث شیر خدا سرور احرار گلور
- جمعه
- 29
- مرداد
- 1400
- ساعت
- 10:36
- نوشته شده توسط
- یوسف اکبری
- شاعر:
-
وهاب محمدی
ارسال دیدگاه