شعله چکدی گون مدارینده شرارِ شعله زا
منقذین ظلمی ادیبدور عالمی غرق عزا
برج غمده گِیدی محنت کوینگین غملی فضا
اکبریم وای ناله سیلن دولدی دشت غم فزا
تلین اوستونده حسینی غصه ایتدی اشگبار
گوردی دشت غم حسینون حالتِ آواره سین
مرکبین اوسته مینوب ایتسون مصیبت چاره سین
قان ایچینده تاپدی شاه نینوا مه پاره سین
اکبرِ گلگون قبانین گوردی سایسیز یاره سین
قطعه قطعه پیکرین یغدی عبایه غصه دار
بنذیورسن بیر غزاله مکریلن دوشموش تورا
رحمسیز اوچی چکوب اوردان بورا، بوردان اورا
سن کیمی زیبا گلی سالمش ایاق آلتدا یورا
کول اولا اکبر بو دنیا باشینه سندنصورا
چاره سیز درده اوغول اکبر، آتون اولموش دچار
قاتلون حسرت قالا خوش روزگاره آی بالا
نیلورم سندنصورا عمر ایتمگی ای وای بالا
من کیمی قلبی یانانی گورمز عالم دای بالا
قلبیمه اود سالدی دردون اکبریم لای لای بالا
لای لای ای عالم گوزل سیماسینه هر دم خمار
عمرومون سرمایه سی سن قان ایچینده یاتموسان
دوغرانوبدور پیکرون القانه یکسر باتموسان
اود دوشوبدور قلبیمه احوالیمی چوخ قاتموسان
جدّوون دیدارینه آت دیرناقیندان چاتموسان
محنتون (عیسالرون) یکسر وجودین یاندیرار
- یکشنبه
- ۳۱
- مرداد
- ۱۴۰۰
- ساعت
- ۱۰:۲۵
- نوشته شده توسط
- یوسف اکبری
- شاعر:
-
عیسی محرمی
ارسال دیدگاه