نيمة شعبان ولايت بيتونون دردانه سي
قويـدي دنيايـه قدم فرزانه لر فرزانه سي
حُب عشقي بير شراب ايستر يم عرفانيدن
ساقي بير جام ولايت وير اولوم مستانه سي
بير محبت جامي دولدور ساقي باهم مست اولاق
كافيدي مست اولماقا بير جرعه سي پيمانه سي
سنده مست اول منده بو جام ولايتدن مدام
باغلياق تا باغلي قالسون غير حق ميخانه سي
نغمـة عرفان اوخور گلشنـده بلبل هر زمان
مهديه خاطـر مهيّا دور سويي هم دانه سي
ابر رحمت سايه سيندن خرّم هر سرو و چمن
صاحب جود وكرم دورحُسن شمس ايوانه سي
شمس افلاك ولايت رهنماي راستين
نورپاكيله اولار روشن گوگول ويرانه سي
كشتي ايجاده لنگر حاكم دين مبين
گورميوب چوخ عده اما عاشق و ديوانه سي
حُجّت قائم گل زهرا امام آخرين
گل وجودي شمع دور جانلار هامي پروانه سي
اذن آلار بيرگون ظهوره خالق رحمانيدن
تا ايده دين ملكون آباد قالميه بت خانه سي
گوزتيكوب گوزلور يولون «عد لي» اوركده دردي وار
عيد اولاندا شعر اوخور تزئين اولار كاشانه‌سي
- یکشنبه
- 31
- مرداد
- 1400
- ساعت
- 10:42
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه