راحت یاشارام نفسیمی خاک ایلیه بیلسم
قلبیمده کی شیطانی هلاک ایلیه بیلسم
تک قویماز حسین قبریمین اول گیجه سینده
بزمینده یانان سینه می چاک ایلیه بیلسم
قویمام قالا زنار جهالت سینم اوسته
گر عشق ابوالفضلی پلاک ایلیه بیلسم
پرونده اعمالی صاق الده دوتارام من
توبه‌یله خطا خطینی پاک ایلیه بیلسم
مشغول ایلیوب فکریمی دنیای مجازی
فکریم آچیلار جمله بلاک ایلیه بیلسم
(احسان) اورک آئینه‌سینه لکه دوشنده
پاک ایله دئمه اشکیله پاک ایلیه بیلسم
- یکشنبه
- 31
- مرداد
- 1400
- ساعت
- 17:29
- نوشته شده توسط
- یوسف اکبری
- شاعر:
-
احسان بدرخانی
ارسال دیدگاه