اُسوۀ عصمت شرف کاینات
عقل بَشَر مدح کمالینده مات
کوکبۀ ناز سماوات عشق
کاخ نشین بانوی جنّات عشق
خلقت ممتازی اولان بی نظیر
حَلقۀ زلفینده خلایق اَسیر
درگهینون آینه داری فَلَک
بیت گرانقدری مَطاف مَلَک
عمر گرانبار رسوله ثَمر
صورتی چون سورۀ شمس وقَمَر
بندجگر حضرت پیغمبره
غَمزه ساتان مریمیلن هاجره
قامتینون رایحه سی سَرمَدی
کوثربیت اُلشَرَف احمدی
صاحبۀ عزًت و فَرّ و کیان
خادم جان برکفی قُدّوسیان
غم گونی فاش ایلمین راز دل
حیدره هم عهد و هم آواز دل
عشق وصالینده اولان بیقرار
خلقت اونون خلقتینه وامدار
مَنطق و گفتاری بدون حریف
چادری اَستار حَرَمدن شریف
هَمسری، اوغلانلاری شمشیرزن
هم ئوزی هم زِینِ اَبی شیرزن
همّتی اولدی شَرف افزای دین
منطقیلن آلدی فدک مدرکین
مسجدی ترک ایتدی اوبانوی ناز
قیلدی ولایتدن أوتور سوزوساز
حق دیدی ناظردی بوگوز یاشیمه
سالدی یولین کوی بنی هاشیمه
جان بکفِ حقّ وحقوق ولی
یاوری تنها حسن ابن علی
هرنَفَسَه هرقَدَمَه چکدی آه
ثانی ایدوبدورخانما سَدّ راه
با ثَمَرایتدون دیدی ابلاغووی
ویرمنه زهرا سَنَدِ باغووی
ایتدی مکّدر ئورگ احساسینی
ویردیدی تکمیل ایدیم امضاسینی
دخت نبی لاله رُخِ سَرمَدی
ثانی شیطان روشه لا دیدی
قهره گلوب رهزن بی ننگ وعار
گوردی بیر ایش عرشه اوجالدوب شرار
مَقدَم زهرانی ایدوب یولدا لنگ
ثانی اوجا قامتیدی کوچه تنگ
مردک بی غیرت وبی ننگ وعار
فاطمیه باغلادی راه فرار
درک ایلدی بی ثمر اصرارینی
ایتدی عَلَن ظلمینون آثارینی
کوچۀ خلوت زن چادر سیاه
باخدی دمادم حَسَنَه چکدی آه
ثانی رها قیلمادی طاهاقیزین
ختم رسولون او معـَزّا قیزین
ایتدی اونی ظلمینون آواره سی
باخمادی وارسینه سینون یاره سی
عامل اولوب ظلم و جنایاتنه
سیلی وروب عاطفه مرآتنه
دگدی که زهرایه اونامردالی
فوری حسن سسلدی گل یاعلی
ای گلن عرش اهلی قَدَم بوسووه
محشراولوب کوچه ده ناموسوه
سلب اولوب الدن ننه مون چاره سی
سندی قولاقینده ده گوشواره سی
فاتح خیبر، ئوره گیم یاره دی
ثانی الینده ننم آواره دی
اولدی غرض درده خانم مبتلا
حورو ملک سسلدی وا حسرتا
قالمادی انجاری که گلسون دیله
یول تاپا بیلموردی گیده منزله
غیرته یول باغلامادی فاطمه
سیلی دگوب آغلامادی فاطمه
دشمن نامرده ایدوبدورخطاب
شأن و شرفدور من ایچون بوتراب
دهریده من مفتخرم حیدره
تا نفسیم وار سپرم حیدره
ماحصل اسطورۀ عشق وعفاف
کوچه نی حورالره ایتدی مطاف
کوچه دیمه، صحنۀ طوفانیدی
شعله ده پروانه ده حیرانیدی
غملی خانم آگه ایدی مطلبه
دمبدم ایلردی دعا زینبه
عزّت خلقت ئوزی بی یار ایدی
کینۀ صیّاده گرفتار ایدی
چاره تاپانموردی بیرآز دنجلَه
دام خطرده ایدی وجودی هله
غصه شرر وردی دل صافینه
حسرتیلن باخدی بیر اطرافینه
کوچۀ خلوتده گوروب ناگهان
صحنیه ناظردی نچه نوجوان
سسلدی بیردن فَتَیات اُلعَرَب
ساکت وآرام اوتوروبسوز عجب
یوخ کمگیم سیز منه امدادایدون
ثانی الیندن منی آزادایدون
فاطمه نون گوردیله تا محنتین
گورسدوب اطفال عرب غیرتین
عشق صراطینده نوا وردیلار
داشلاری دامن لره دولدردیلار
فاطمه دن ایتمگه دفع خطر
اولدیلا یول باغلینا حمله ور
روبهی خوارایتدیار اصلان کیمی
داشلادیلار ثاننی شیطان کیمی
ظلمیدن اولدی حقه شاکی خانم
گلدی ایوه چادری خاکی خانم
ایمنه چخدی محن آواره سی
قالدی ولی کوچه ده گوشواره سی
- یکشنبه
- 31
- مرداد
- 1400
- ساعت
- 18:31
- نوشته شده توسط
- یوسف اکبری
- شاعر:
-
سید تقی سیفی اردبیلی
ارسال دیدگاه