شمر ظالم نقدر جرئت هویدا ایلدی
آشکارا دوروب الاهیله دعوا ایلدی
آبرو قویمادی قالسون بیر اولان اللهه
نه جسارتله گیروب خیمه ی آل اللهه
شمر محرمدی مگر دخت ولی اللهه
بو نه جرئتدور او بیشرم و محابا ایلدی.
خیمه نه،خیمه گه عترت پیغمبریدی
فاطمه قیزلاری هم آل شه محشریدی
لال اولیدی دیلیم ای کاش مگر کافریدی
کافره بیله ستم خارجی آیا ایلدی.
آلدی زینب باشینون قاره اولان معجریمی
باش آچوخ قویدی حسین ابن علی خواهرینی
بیره مین ائتدی فزون فاطمه نون غملرینی
فاطمه دوردی نئجه صبر خدایا ایلدی.
نقدر اولدی جری رعیت اوگون شاه اوسته
توکولوب یوزمین عرب خیمه و خرگاه اوسته
بیر بولوک اهل و عیال،اسدالله اوسته
حد سیز ظلم و ستم لشکر اعدا ایلدی.
یوز وئروب شدت تب عابد دل افکاره
برقویون،جلدی فقط بستریدی بیماره
دون اورک قانه داخی براونیدا تب داره
رحمه باخ چوخ گوروب اعدالری یغما ایلدی.
غارته گتدی سراپرده و خرگاه و خیام
قالدی چوللرده زبس آل شه ذوالاکرام
واحسینا سسی دولدوردی او صحرانی تمام
ضجه و ناله یئره ساکن بالا ایلدی.
بیلمرم ائتدی نئجه ظلم و ستم شمر دنی
تازیانیله ویروب زینب محنت زدنی
غیرت اللهون اولان پاره به پاره بدنی
بس ستم اولمادی گنجیده برایما ایلدی.
فاطمه اوغلونا ثابت ایلدی نه تقصیر
وردی بیمارون ایله گردنینه بیر زنجیر
ناخوشون گورجک او حالیله بیوردی تکبیر
شاهدین آیه کهفیله تسلی ایلدی.
دوه نون قارنونون آلتیندا او هادی سبیل
ایاقی باغلی اوزی ناخوش و بیمار و علیل
دوزدی هر ظلمه ولی طعنیده اول حر قتیل
نیزه باشینده تکلم شه بطحا ایلدی.
توسن تبعیم اولوب تند رو و تند روش
اودی "بیضانی" بیر عده بیلو درویش منش
دگولم صوفی گواهیمدی منیم بو بو دل ریش
اودی که خامه ی بیضا ید بیضا ایلدی..
- دوشنبه
- 1
- شهریور
- 1400
- ساعت
- 12:59
- نوشته شده توسط
- یوسف اکبری
ارسال دیدگاه