یارب بیزی سن احمد مختاره باغیشلا،
اول شیر خدا حیدر کراره باغیشلا،
بیماریمیزی عابد بیماره باغیشلا،
حفظ ایله بو شهری اوزون آفاتیدن الله
مایوس بیزی ایلمه درگاه حسیندن،
یوخدور یتیشه دادمیزه اوزگه سی سندن،
یوز خلق بیابانه قویوب قاچدی وطندن،
قورتار بیزی تزلیکجه بو ظلماتیدن الله
ویروک سنی آند عترت طاهایه خدایا،
پهلوسی سینان حضرت زهرایه خدایا،
عفو ایله بیزی زینب علیایه خدایا،
بو عرضیمزی سالما اجاباتیدن الله
عفو ایله بیزی اصغر عطشانه دخیلوک،
لب تشنه ویرن جانینی جانانه دخیلوک،
آماج اولونان حلقی او پیکانه دخیلوک،
عالم اوزینی یاندیرار حالاتیدن الله
رحم ایله بیزی بی کس و بی یاره الهی،
ویروک قسم اول قولسوز علمداره الهی،
بیچاریوک آخر اوزون ایت چاره الهی،
قورتار بیزی بو دار مکافاتیدن الله
اطرافینی بیضانون آلوب یاریله اغیار،
قیرخ ایلدی حسینه یازوری نوحه و اشعار
محشر گونی عرض ایلرم ای یار وفادار،
قورتار بو ذلیل عبدی مکافاتیدن الله
- دوشنبه
- ۱
- شهریور
- ۱۴۰۰
- ساعت
- ۱۳:۲۴
- نوشته شده توسط
- یوسف اکبری
ارسال دیدگاه