باش آچوق میقات عشقه منزل قرآن گلوب
سر پیمان الستی ائتمگه اعلان گلوب
تکیه قیلدی نیزه پیر خرابات مغان
نطق ائدوب لحن حجازیلن دئدی ای کوفیان
لامکانم ائتمیشم کرب و بلا دشتین مکان
سیزلره تفسیر قرآن ایلسون سبحان گلوب
عابد و معبود ئوزویم هم ساجد و مسجود ئوزیم
دادگاه معدلتده هم شاهد و مشهود ئوزیم
قاصد و مقصود و مقصد عاهد و معهود ئوزیم
وادی عشقه حروف ابجد یزدان گلوب
برج وحدتده اولوبدور مات چرخ آبنوس
نه زمان و نه مکان اوسته حسین ائتمز جلوس
یعنی یتمیش بیر نفر منله دیه حق دوس دوس
مست وصل یار اولوبدور یارینه مهمان گلوب
وجه وجه الله وجهیم نوری واردور ماه تک
مهجه زهرا حسینم من تکم الله تک
شیر غرانی گوروب گیزلنمیون روباه تک
فرقه روباهه پیروز اولماقا اصلان گلوب
دست تقدیر ایستیور باغ وصالیمدن گئچه
ساغر ظلمین لبالب ایلیوب اوندان ایچه
ساقی عشقیم بیلور واردور یانیمدا مغبچه
ورماقا حق دوس، منلن کهنه سرمستان گلوب
عاشقم من وصلیدن آرتوق فراقی ایستورم
شوریلن دشت همایون عراقی ایستورم
سوز آهیملن دوتا اوت نه رواقی ایستورم
پیشوازیمه قدم قویجاق بورا پیکان گلوب
ائتمیشم توشیح عهدی اولموشام صحرا نشین
خرمن پیماندا اولماز من کیمی بیر خوشه چین
آیه ی قرآنیدور الموت کنتم صادقین
ذکر یا معبود یا ذالعفو والغفران گلوب
عاشق صادق گرک جانیندن اولسون بی خبر
مست و مستانه ائده هر بیر بلایه جان سپر
باش ندور نی ال ندور شوقیلن ائتسون ترک سر
تشنه لر سقاسی باش وئرمک لیگه عطشان گلوب
عشق شوکت سوز جامین ، شوقیله نوش ایلیر
ال وئرور السیز لباسین زینت دوش ایلیر
یالردن غیری نه وار دلده فراموش ایلیر
ناامید اولماز اگر گورسه شب هجران گلوب
حلق اصغردن گلوب اوچ شعبه پیکان بوس ائدر
آق دونوب یاقوتی اولسا جلوه طاووس ائدر
قلب پر شوری نهال درده غم مغروس ائدر
اصغریم همدوش اولوب منلن کئچه جاندان گلوب
زینبون الغوثینی کاشانه حقدن ائشیت
عرضیمی پروردگارا خانه حقدن ائشیت
رب ارنی کلمه سین میخانه حقدن ائشیت
گل لنر دل ملکی گورسم کلمه اذعان گلوب
رب ارنی گر دئسم گلمز منه لن کلمه سی
بو قدر یورقونلوقون واردور یقین دینجلمه سی
روحیمه لذت وئرور هر بیر اوخون خوش گلمه سی
رهروان عشق اولوب بیر عدّه سرگردان گلوب
عشق شمع وصل جاناندور اونا پروانیم
پیک وصلیم تیردور مدتدی سرگردانیم
بیر نهایتده او تیرون عاشق و حیرانیم
روز ازل دل او پیکانه اولوب حیران گلوب
لمعه لمعه پرتو نور جمالیم برملا
سالکان وادی عشقه اولوبدور رهنما
ایلیوب گوردی که الرحمن علی العرش استوی
جاری الله قانین ائتسون شمر بی ایمان گلوب
مدعی بو نوحه بیضانون ید بیضاسیدور
شعریمون عرفان عالم آفرین گویاسیدور
محو انوار حسین طور وفا موساسیدور
سحره پیروز اولماقا هر دورده ثعبان گلوب
- دوشنبه
- 1
- شهریور
- 1400
- ساعت
- 13:59
- نوشته شده توسط
- یوسف اکبری
ارسال دیدگاه