حضرت خاتم ئوزینی قیلدی پنهان غاریده
راس شاه کربلا ووردی اناالحق داریده
ایلدی جانان یولندا تشنه لب جانین نثار
دعوی الیوم لمن الملک وردی آشکار
گتدی اثنینیت اولدی عین وحدت برقرار
عقل قاصر اولدی فهم آواره بو اسراریده
نیزه باشیندا تجلا ائیلدی ذات خدا
اولدولار مستغرق حیرت عموما انبیا
انبیا تنها نه بلکه خالق ارض و سما
شاهیدیمدور حق ئوزی الحق که بو گفتاریده
یاره لی گوردی دوشوب تپراقه نعش شاه دین
گلدی فریاده وروبدور باشینه روح الامین
سایبان قیلدی حسینون نعشی اوسته شهپرین
گون اذیت ائتمسون میدان کارزاریده
صادر اولدی باشسیز بدندن اولدی قهر آمیز خطاب
سایوه یوخ احتیاجیم قیلدی جبریله عتاب
خدمت شایانیدور درگاهیمیزده مستجاب
دعوی مستی دی تا مقبول قرب یاریده
تحت سایمده منیم ساکندی کل ممکنات
سایه پروردور وجودیمله جمیع کاینات
عالمه بو تشنه لبلردن یئتر آب حیات
مالک الملکم نه مملوکم اولوالابصاریده
ظاهر صورتده گرچه بو شه عرش آشیان
دستگیر قوم ظالمدور اسیر کوفیان
باشینی شمر لعین کسمیش الینی ساربان
جای سالم قالمیوب بو جسم زخمداریده
فانی مطلق اولور آفاقه گوسترسم جمال
که منم شمس حقیقت یوخ منه هرگز زوال
آت ایاقی آلتدا گرچه جسمیم اولموش پایمال
قالمش اولاد و عیالیم باشسیز آه و زاریده
نعشیمون اوسته سکینم ایستر ائتسون آه و زار
باشینه قمچی ورار قویما او شمر نابکار
بیر نفر یوخدور دیین ای ظالم ایام بهار
تیکمک اولماز بلبولون منقارینی گلزاریده
التماسیم تک بو دورسندن که ای مظلوم امام
قبرینی" بیضانون "ایله وادی دارالسلام
دم ورار قرخ ایلدی سندن روز و شب مطلق تمام
یا حسین تز یت هرایه وقت استحضاریده
- دوشنبه
- 1
- شهریور
- 1400
- ساعت
- 14:4
- نوشته شده توسط
- یوسف اکبری
ارسال دیدگاه