جانی جانانه وئرن عهدینده نقصان ایلمز
شاه لب عطشان حسیندور نقص پیمان ایلمز
کشف اولار میخانه ده اسرار سرمستان عشق
باده وصلت ایچلر سینه لر سوزان عشق
بو حسین اوخ آختارار اولمشدی سرگردان عشق
داغ هجران قلبینی سر مست سبحان ایلمز
نیزه ده بیر باش تجلا ایلیور الله تک
کربلا سینا دگور گلسون کلیم الله تک
مخفی دور میخانه ده اسراری سر الله تک
رغبت یار ایلیور امکان اغیار ایلمز
چون حسین پیمانیه عشقی ایچوب میخانه ده
عاشق حق عشقین اثبات ایلیوب خمخانه ده
قانلو لبلر سجده ده باخ صحبت جانانیده
یاد یار ایلور هراس زخم پیکان ایلمز
ذات هو جلوه لنوب نیزده قران اوخیدی
واله عشق حبیب اولدی اونا جان اوخیدی
لبلرین اچدی بلا دشتینده سوزان اوخیدی
بو رخی یار, یانان عاشیقه پنهان ایلمز
اتش عشق رخ جانانه جان بذل ایلرم
محرم عشق اولمشام اوچ شعبه اوخ بوس ایلرم
بزم وحدتده یانوب شعله چکوب حق سویلرم
اولماسا عاشق فنا شش ماهه قربان ایلمز
غیر هجران هر بلا آسان اولوبدور زینبه
نیزه اوسته بیر کسوک باش یار اولوبدور زینبه
ام حسب ایه سی گفتار ایدوبدور زینبه
عاشق دلخسته فکر شمع سوزان ایلمز
یاندیران پروانه نی اول شعله سوزانیدی
باش جداده گورسنوب زینب یانور طوفانیدی
عشق زینب موج ایدوب قان موج ایدوب دیداریدی
داش ویران فاحشه لر زینبی گریان ایلمز
من سیه پوش حسینم چون فنا فی اللهیدور
حمله ایلرلر منه" بیضا "حسین اللهیدور
ناروا فتوی ورنلر نار منزلگاهیدور
ساکن میخانه ی حق حقه کفران ایلمز
- دوشنبه
- 1
- شهریور
- 1400
- ساعت
- 22:36
- نوشته شده توسط
- یوسف اکبری
ارسال دیدگاه