تکیه ایلوب نیزیه چون صورت الله تک
واحد و یکتا حسین معناده الا الله تک
روح الاارواح دو عالم مظهر حق قطب دین
دمبدم سویلردی هل من ناصر و هل من معین
یار مربوبیندن ایستردی او رب العالمین
گلدی باریک قورخورام بو نکته سر الله تک.
تشنه لب اعدایه سویلردی شبه نباالعظیم
لی مع الحق هادی مطلق صراط المستقیم
قانیمی توکمگده تعجیلوز ندور آخر منیم
گلمیشم میقات عشقه من ذبیح الله تک.
قانیم الله قانی دور ای قوم توکمون قانیمی
منزل قرآن منم محکم دوتون فرمانیمی
جان جانانم تجلای رخ جانانیمی
فرقه ی لایبصرون گورمز درخشان ماه تک.
گه مکان گه لا مکانم گاه پیدا گه نهان
منبسطدور روح پاکم روح روح جان جان
بانی مطلق منم فانیدو بو کون و مکان
بیر حبابیدور سودان اولموش عیان خرگاه تک.
نار قهریمدن اولور تولید مهریمدن جنان
شاه فرد مستقیم برزخ و لا یبغیان
حجتیم اتمامه یتدی ای گروه کوفیان
فیض جودیمدن کناره یوخ سیز گمراه تک
مستمر و مستقر ای فرقه ی لایبصرون
ساخلیان بو چرخ دواری حسین دور بی ستون
یار و انصارین ائدیبسوز عرقه ی دریای خون
شعله ور دور سینه ی سوزانی شمع آه تک
اول هر اولینم آخر هر آخرین
نقطه ی فی تحت بایم کثر هم جاهلین
مندن اوزگه اوغلی وار پیغمبرون آدی حسین
وارث تخت خلافت تا اولا بو شاه تک.
گوردی بیر دیار یوخ یاریله اولسون روبرو
لمن الملکه جواب واحد قهار کو
کل شی هالک الا وجه پاک ذات هو
بیر نمودیدی بو عالم صورت اشباه تک.
دشمن دین موج زن کلموج بحر لایحد
شاه واحد جان عالم ذات هو سر احد
کون و ماکانه ویران اول کان لله دست رد
فانی فی الله مطلق بائی بالله تک.
کشتی آل محمد غرقه ی دریای خون
ناخدا مصداق لاخوف ولاهم یحزنون
گه گزر میدانی ایلر گاه مرکزده سکون
قبضه ی تیر دو سر الده ولی الله تک.
دشمن دین مبین اطرافیم آلمیش هاله وش
خیمه دن سویلر سکینه ای بابا جان العطش
تک منی اولدورمگه لازم دگول بو کشمکش
سیل گتورموش لشکری گویاکه برگ کاه تک.
هر قدر قان توکموسوز بو چولده بی خوف و هراس
جمله سیندن کئچمیشم ای فرقه ی حق ناشناس
شرم ائدون ائتمز پیمبر اوغلی سیزدن التماس
هاردا گیزلنمیش عمر سعد لعین روباه تک.
یول وئرون بو اهل بیت بی کس و بی یاری من
ایلیوم بیر یئرده ساکن زینب غم خواری من
دفن ائدیم قولسوز دوشن بو یاره لی سرداری من
قالماسون قانلی بدنلر یئرده قربانگاه تک.
واقف سر شهادت عاشقان و عارفان
تابعان مهدی هادی محب خاندان
بیله امر ائتمیش بیزه پیر خرابات مغان
بیر متاع عالمده یوخ" بیضا "دل آگاه تک
- سه شنبه
- 2
- شهریور
- 1400
- ساعت
- 13:45
- نوشته شده توسط
- یوسف اکبری
ارسال دیدگاه