کرب و بلاده ظلمیدن شعله لنیب شراره لر
گوز یاشی تک افول ائدیب دوشدی یره ستاره لر
ویردی تمامه سیرنی چرخ امامتون گونی
تیره وتار اولوب جهان باتدی هدایتون گونی
دشت بلاده آشکار اولدی قیامتون گونی
اونداکی قاشدی خیمدن چوللره ماهی پاره لر
قتل حسینی شمر دون پخش قیلیب اساکره
ویردیلار اوت سپاه کین یاندی خیام طاهره
قوم عدو اوشاقلاری ایلدیلر محاصره
قاچدى آنا توشوب یئره آغلادی شیرخواره لر
هر گلن آتلی بیر قیزی غصب ائدیب آلدی معجرین
غارت ایدیب لباسینی سویدی تمام زیورین
تازه گلین قولاقینه قویدی حنالی اللرین
قانه باتوب یوزی گئدوب غارته گوشواره لر
ایستی هوا سوسوز دوداق خیمه لرون حرارتی
باشلار آچیخ ایاق یالین خار و خسین اذیتی
لشکر شام وکوفه نون هلهله ی بشارتی
کف چالور اول پیاده لر اوینادور آت سواره لر
سالدیلار آت قاباقینه نازلی سوسوز اوشاقلاری
قورخدولا بس کی قورخودان پارچالانیب دوداقلاری
دوشدوله چوخ مصیبته کرب وبلا قوناغلاری
غارت اولوب نقاب لر مقنعه لر خماره لر
زینب او گیر و داریده جیحه چکیب آچیب باشین
اللری باشدا یوز قویوب مقتله توکدی گوز یاشین
أین أخا دیه دیه تاپدی یارالی قارداشین
گوردی آچیبدی غنچه تک گول بدنینده یاره لر
عرض ائلدی حسین عجب زینبی گوزدن آتمیسان
تازه کسوبله باشووی گول كیمی قانه باتمیسان
سرّی ندور بو نوعیله سن اوزی قویلی یاتمیسان
یاتما بو نوعیلن باتار سینووه تیغ پاره لر
من بو صفالی گلشنین خار و خسین درم گرک
آرخاسی اوسته دوغرانان جیسمووی دوندرم گرک
چکمرم ال دانیشماسون من سنی دیندیرم گرک
دور نجه گور اسیر اولوب دشمنه بختی قاره لر
چکمه "بیضا" بیر قدم درگه شاه دینیدن
آغلا همیشه نوحه یاز مطلبون آل حسینیدن
بلکه براتی لطف اولا شافعیمیز نبی ئیدن
روز جزاده باغلانان وقتیده راه چاره لر
- چهارشنبه
- 3
- شهریور
- 1400
- ساعت
- 19:59
- نوشته شده توسط
- یوسف اکبری
ارسال دیدگاه