فاطمه دلبندینون قتلینه اقدام ایلدون
دعوی اسلام ائدوب اسلامی بدنام ایلدون
ذرّه ایجن یوخومش سنده رسومات ادب
کربلا دشتینده ئولدوردون حسینی تشنه لب
یر گوگ ظالم سنون ظلموندن آغلار روز و شب
شیعیان پاک دینون صبحینی شام ایلدون
وارد کوفه اولاندا زینب عصمت مآب
صورت بی معجرینه زلفین ائتمشدی نقاب
ائتمدون اللهدن سن هم پیمبردن حجاب
زهرۀ زهرا قزینا یاخشی اکرام ایلدون
باجی اللرده ئولن قارداش بوغازیندان اُپه
ایلیه ناله دمادم باشینه تپراق سپه
باغلادون قوللارینی محکم ستمله بیر ایپه
واریدی هر قدر ظلمون ظالم اتمام ایلدون
نانجیب اوغلی زیادون دیدی بی معجر گله
قوللاری باغلی بو بزمه آل پیغمبر گله
اذن عام ائتدی تماشایه یهودیلر گله
دین اسلامی گوروب بد کفره اقدام ایلدون
ایلدون آباد ای ظالم ابو سفیان ائوین
خاتم پیغمبرون قیلدون عجب ویران ائوین
بیلمدون الله یخار ناحق توکه نون قان ، ائوین
یتمیش ایکی خون ناحقی سرانجام ایلدون
تا چیخاردا بیلمدی انگشتیدن انگشترین
قسمت آپارسون غلافیندن چیخارتدی خنجرین
ظالم دیگر گلوب کسدی بیلکدن اللرین
نچه یردن جسمینی قسمت به اقسام ایلدون
ساخلاماز بیر ذرّه گر اولسا مروّت یاغیده
ساخلادون اوّل گجه کول اوسته بیر مطباخیده
بیله ساخلاردیلار ای خولی مگر قوناقیده
عالمون باغرینی ای خولی خون آشام ایلدون
شاه دینون باشینی آسدون آغاجدان کوفه ده
ایلدی ای داد اوشاقلار سنگ باران کوفه ده
داش دگوب آخدی او وقته یول به یول قان کوفه ده
داش آتان اطفاله نچّه درهم انعام ایلدون
قان آخوب دریا کیمی موج ایلیوب ثار الاه
کشتی دینی شکست ائتدون چوخ ائتدون اشتباه
دوره سینده صف به صف پیغمبرون وئردی گواه
دینی دنیایه ساتدون بو ظلمه اقدام ایلدون
حق سنی" بیضا " اگرچه ایلیوبدور المعی
یاندیروب دنیانی اما بوکلامون مطلعی
عمرون اولسا هر نقدری ذکر ائله بو مصرعی
دعوی اسلام ائدوب اسلامی بد نام ایلدون
- چهارشنبه
- 3
- شهریور
- 1400
- ساعت
- 20:6
- نوشته شده توسط
- یوسف اکبری
ارسال دیدگاه