بو غربت ئولکه آرا قالموشام باجی یالقوز
غریب و بیکسِ دار و دیار معصومه
نه بیر قاپومی آچان وار نه بیر گلن یانیما
قالوبدی باغلی بو لیل و نهار معصومه
آلوبدی دوره می گور جمله یاد و بیگانه
گزر بو گون هامی مندن کنار معصونه
نه بیر گلوب نه گیدن وار نه حالیمی سوروشان
نه دردیمه یته بیر کیمسه وار معصومه
که قورخورام منی درک ایلیه اجل باجی جان
یوزیوی گورمیم ای گلعذار معصومه
سنه بو نامه یتوشجاق یتور ئوزیوی منه
که یالقوزام منه اول غمگسار معصومه
گلنده بیرده جواد اوغلومون منیم یریمه
یوزیندن ئوپگیلن ای دلفکار معصومه
او گول جمالینی بالله چوخ ایستوری گوگلوم
مگر او گول یوزی یاددان چیخار معصومه
عیالیمون یوزینه حسرتم گیجه گوندوز
ئوزوم ملول گوزوم اشکبار معصومه
قالوبدی گور نجه (غمناک) شیعه لر یکسر
کنار و گوشه ده محزون و زار معصومه
- شنبه
- 6
- شهریور
- 1400
- ساعت
- 23:15
- نوشته شده توسط
- یوسف اکبری
- شاعر:
-
مرحوم غمناک تبریزی
ارسال دیدگاه