خلقتین خلقتینه خالق داور یاراشیر
زینت خلقت اولا آل پیمبر یاراشیر
عالم ، عالم اولالی عالمه زینتدی بولار
نجه باغلاردا صفا گلشنه گللر یاراشیر
بیزده پیغمبر و اولادینه خاطر یاشیروق
مهدی فاطمیه خلقت داور یاراشیر
کل عالم بولور عالملره دلبردی علی
بله بیر دلبره زهرا کیمی دلبر یاراشیر
گرچه مولادن ائدر کسب ضیا مهریله ماه
نور آلا، فاطمه دن انجم اَنور یاراشیر
گور کیمین شأننه بو آیه ی تطهیر گلوب
مرتضی شأننه قرآن که مکرر یاراشیر
کفردور ئوزگلره کوثری نسبت وئره سن
شأن زهرایه فقط سوره کوثر یاراشیر
عصمت ذات احد احمده چون پاره ی تن
کرسی عفته خاتون مؤقر یاراشیر
اون بیر عیسی آناسی خلقته نو ازلی
اولماقا مریم و سارایه بو سرور یاراشیر
اولماقا گنج حیا گوهری عصمت صدفی
قدّینه چادر شب باشینه معجر یاراشیر
مصطفی منزلینی نوری ائدن رشک ارم
مرتضانین ائوینه ماه منور یاراشیر
گرچه بیرآیری قیزی ختم رسولین واریدی
ائله بیر فاطمه پیغمبره دختر یاراشیر
هانسی قیز امّ ابیها اولوب عالمده مگر
بله بیر منصبه زهرای مطهر یاراشیر
زینبی که یازیلوب همتی مافوق رجال
ایله بیر دختره زهرا کیمی مادر یاراشیر
کیمده واردور او جلالت اولا داماد علی
اولا داماد پیمبر شه خیبر یاراشیر
کیمده واردور اؤ لیاقت اولا هم کفو بتول
دخت پیغمبره هم کفو اولا حیدر یاراشیر
هانسی عورتده او رتبت وار اولا کفو علی
اولماقا کفو علی دخت پیمبر یاراشیر
کیمدی جز فاطمه یاور اسداللهه اولا
مرتضایه ائله زهرا کیمی یاور یاراشیر
مرتضی که اونی حق ذاتنه مظهر یارانوب
بئله شخصیته زهرا کیمی همسر یاراشیر
دلِ شیر ایستوری همسنگر حیدر اولاسان
اولا همسنگر حیدر بو دلاور یاراشیر
مرتضی قوللارین آچدیرماقا وار کیمده هنر
آلا دشمندن علینی بو هنرور یاراشیر
بیر خانم که تانینا پیکره ی حجب و حیا
گور بئله پیکری دیواره سیخا،در یاراشیر
اوندا که شیعه لرین جنته زهرا چکه جاق
گوره سن اوندا نجه جنته زیور یاراشیر
نوکر فاطمه سلمان و ابوذر اولا گر
(عدلجو) درگه زهرایه نه نوکر یاراشیر
- یکشنبه
- 7
- شهریور
- 1400
- ساعت
- 14:0
- نوشته شده توسط
- یوسف اکبری
- شاعر:
-
احد عدلجوی تبریزی
ارسال دیدگاه