مرحبا نقاش قدرت بیر مه انور چکوب
صورت اکبرده بیر تشبیه پیغمبر چکوب
رزمگاهه وارد اولدی چون او شیر با هنر
گوردی اعدا بیر مه رخشنده اولموش جلوه گر
قالب بیروح اولوب فی الجمله اول قوم کفر
یاندیلار باخدوقجا گویا شعله آذر چکوب
بیر فصاحتله دیدی گویا رَجز اول مه جبین
جمله تحسین ایتدی اعدا سُویلدی صد آفرین
بو جلاده بَسله میش هانسی صدف دور گوهرین
قطرهء بارانی صانع بیر بیله گوهر چکوب
سسلدی ای قوم من نوباوهء پیغمبرم
شیر حقه سیز بلون بو رزمگهده مظهرم
من حسین تشنه کام اوغلی علی اکبرم
حَی داور چون منی پیغمبره مَظهر چکوب
الده تیغ آبداری حیدر کَرار وار
قوم ترسانی شهامتله ایدوبدور تار و مار
هی ووروب صفلر پوزولدی ایتدی روبه لر فرار
هر زمان اول شیر نَر بیر نعرهء اکبر چکوب
ضرب تیغیله توکوب باشلاری چون برگ خزان
موجه گلدی گوئیا اولدی او چول دریای قان
چوخ دلاورلر قاچوبدی خیمه ده اولدی نهان
وحشتیندن چوخلاری بیر نقشهء دیگر چکوب
شام و کوفه لشکریندن قالمادی بیر پرِ هنر
ضرب تیغیندن عموما دوتدولار راه سفر
ایچمه موش جام اجل چون قالمادی بیر نامور
تیغ خون آشامینی چون اول غضنفر فر چگوب
یاره لندی فرقیدن گویا اولوب شق القمر
فی المثل متن کلام الله چکلموش تار زر
یا که بیر مه صورتینده خط احمر چکدیلر
یا قلم گویا کنار لوحه بیر منظر چکوب
یا دوزولموش قطره قطره لاله تک قان زلفینه
یا دوزوب اول مه جبین بیر شَدّه مرجان زلفینه
یا دوشوب قان شبنمی بیردسته ریحان زلفینه
حق اوزی بو کاکلی پر مشگ و پر عنبر چکوب
طوریده ارنی دیور (بیضا) مگر موسی بوگون
یا که رجعت ایلیوب پیغمبر بطحا بوگون
یا تجلائیله گلموش یوسف مصرا بوگون
صورت زیباسینه دیبائیله معجر چکوب
- سه شنبه
- 9
- شهریور
- 1400
- ساعت
- 18:38
- نوشته شده توسط
- یوسف اکبری
ارسال دیدگاه