بو نوجوان که یوزی آفتاب انوردور
جمالی آئینه طلعت پیمبردور
یوزینده نور خدا، آشکاردور گون تک
جبینی مطلع انوار قدس داوردور
گوز ایستر ایلیه ادراک پرتو نوری
فراز چرخده خورشید سایه گستردور
محالدور گوره کوته نظرلرین نظری
زبسکه قصر جلالی، رفیع منظردور
گورر حقیقتی صورتده دیده حق بین
که صورتنده علی صورتی مصوردور
گوزوزی پرده ظلمت دوتوب، اولوب حایل
و گرنه گون چیخوب، عالم هامی منوردور
بلی چو مهر جهانتاب گوسترنده جمال
نقدر روشن اولا خیره چشم شب پردور
اراده ایلمسوز نور حق اولا خاموش
ولی مشیت حق، ضوئنه مقدردور
باشی کسلسه گنه نیزه دن ظهور ایده جاق
جمالی چرخ حقیقتده مهر انوردور
ایدوبدی بوندا پیمبرلرین صفاسی ظهور
شبیه ختم رسل، یادگار حیدر دور
آتام نشانه سی، جدیم شبیهی دور بو جوان
آدی علی دی، علی اسمی اسم اکبردور
الیم عصاسی، گوزوم نوری، قلبمین ثمری
اوغول دئمه، منه بیر مهربان برادردور
قولومدا هیکل اخلاص، حرز بازوبند
دلیمده جوشن اسم کبیری ازبردور
منه نظیر تاپولماز، بو بی نظیر اوغلوم
بو گون که اوز نظریمده منه برابردور
قتیل کوی محبت، عزیز جان عزیز
بو جسم ایچینده کی جانیم، بو نازپروردور
نه من خلیل نه ذبیحیم اسماعیل
نه کربلادی منا، نه آناسی هاجردور
گورون ذبیح خلیله بونون نه نسبتی وار؟
بئله اوغول نجه او هاجره میسردور
اونون کسلمدی باشی، آدی ذبیح اولدی
بونون باشندا ولی شور عشق دیگردور
باشی کسلماقا یالقیز قناعت ایتمیه جاق
ز بسکه همتی عالی، هواسی برتردور
فضای کرب و بلا، عطریله دولاجاق
شمیم طره لری رشگ مشک و عنبردور
جدا باشندا گرک سیرینی تمامه ویره
سلوک و سیره چون عاشقینه سروردور
شهادت عهدینه عهد ازل، شهادتی وار
همان شهادته شاهد شهید داوردور
می محبتیله مست اولوب، گچوب باشدان
سرشت آب و گلی، عشقیله مخمردور
بو بزم عشقده شهد شهادت ایتماقا نوش
شراب ناب آخان قانی، زخم ساغردور
نه قدر یاره دگر جسمینه، بو جانه دگر
بو جسم او جسم، او پیکر همین بو پیکردور
بونی بولون نقدر ئولمیوبدی، دویمیه جاق
گلون گلون اوزی مشتاق تیغ و خنجردور
سوسوزدی قانینه هم شمر ، هم دم خنجر
زلال خنجره تشنه بو تشنه حنجردور
دئون سنانه، سنانه کلاله مشگین
بو زلف و کاکلی، بو طره معنبردور
گرکدی آیریلا ترکیب جسمی بند به بند
قالا او جسمی که جسم لطیف جوهردور
بو اسم اکبری ورد ایله، قبر ایوینده (حقیر)
سوال وقتی جواب نکیر و منکردور
- سه شنبه
- 9
- شهریور
- 1400
- ساعت
- 19:21
- نوشته شده توسط
- یوسف اکبری
ارسال دیدگاه