غبارِ سجدهء راهین، خطِ لوحِ جبینیم دیر
سجودِ درگهین سرمایهء دنیا و دینیم دیر
اگر عزمِ ره ایتسم، شوقِ وصلین هادی راهیم
وگر آرام هم توسام، خیالون همنشینیم دیر
هوای روضهء کویون، بهارِ گلشن جانیم
نهالِ قامتین سَرویم، عذارین یاسمینیم دیر
یقینیم دیر کی مقصودیم اولور حاصل سنه یتسم
بحمدالله منه سندن سوا رهبر یقینیم دیر
طلبکارِ وصالم، مژدهء وصلین دریغ ایتمه
کیم اول مژده فَرَح بخشِ دلِ اندوه گینیمد یر
چخاردی ذوقِ وصلین خاطریمدن روضه پرواسین
سوزون کوثر، منوّر مجلیسین خلدِ برینیم دیر
منه یوز گوستریر هر لحظه یوز مین شاهدِ دولت
چو مرآتِ رُخون منظورِ چشمِ پاک بینیم
دیر
سریرِ سلطنت ذوقوندن افزوندور منه اول سوز
کی لطفیلن دِمیشسن بیر غلامِ کمترینیم دیر
بَری اولدوم (فضولی) غیردن، اول دلربا آنجاق
انیسیم، مونیسیم، یاریم، نگاریم نازنینیم
- چهارشنبه
- 10
- شهریور
- 1400
- ساعت
- 14:27
- نوشته شده توسط
- یوسف اکبری
- شاعر:
-
حکیم ملا محمد فضولی
ارسال دیدگاه