نگاریم ایستیم حقدن بودور، اولسون نگهدارون
اوجاتسون عزتون، اولسون همیشه یاور و یارون
آچلسون عشق بازاری، دایانسون کوی عشقونده
الینده نقد جان، عاشقلرون اولسون خریدارون
شمیم جانفزا، دایم مشام جان آلور سندن
خزان گورمز یقین ای باعبانبم، باغ و گلزارون
سنون اجلالیوه رشگ ایلوری الحق سلیمانلار
کیم مین بلقیس رولر، آرزو ایلر اولا یارون
تفاخر ایلرم گورسه رقیبیم کوی عشقونده
سنون مین یوسف کنعاندن، گرم اولدی بازارون
دولانام بو امیدیله سر کویونده مجنون تک
منیمده قسمتیم بلکه اولا بیر لحظه دیدارون
گوزوندن دوشموشم؟ گوزدن دوشن گوز یاشی تک جانا؟
گلیب بیر دم سوروشمورسان، ندن پوزقوندی پرگارون؟
طبیبیم! سن گلینجه قورخورام پیک اجل گلسین
دیسونله غصه مرگ اولدی، یوباندون ئولدی بیمارون
بو عشقیله (پرند) ئولسن غم ایتمه، اولماسان گمنام
قالار بو عشق و بو دفتر، یقین دنیاده آثارون
- چهارشنبه
- 10
- شهریور
- 1400
- ساعت
- 14:30
- نوشته شده توسط
- یوسف اکبری
- شاعر:
-
حاج محمد پرند
ارسال دیدگاه