راوی سینین روایته چون وار دَرایتی
بُلدوم مناسب ذِکر اِیلیم بو رَوایتی
راوی بو حاله سِید صالحدی شامیده
لازیمدی مَنده ذِکر اِیلیم بَزم عامیده
سویلر که بیر گیجه مَنه لطف اِیلدی خدا
رویاده ویردی عِین سعادت مَنه صفا
رویاده گوردوم عِزت و ناموس مَعدنی
یَعنی حسینه سوگلی نازلی رقیه نی
گوردوم او خوردا جا بالا چوخ اِیلور آه و زَار
فرمایش اِیلوری منه اِیلوله اِنزجار
قبریم خراب اولوب مَنه لطف و عنایت اِیت
تعمیرینه چالیش منی قَبریمده راحت اِیت
سِید دیور یوخودان اویاندیم او حالیله
گیتدیم تَفکره او زَمان چوخ مَلالیله
صبح اولدی بو قَضیهء جانسوزه چَکدیم آه
گلدیم خرابیه اِیلدیم قَبرینه نِگاه
گوردوم که قَبریده اَبداً جای صَدمه یوخ
رَخنه یری گورون مدی حالیم پوزولدی چوخ
حِیرتده قالدیم اوز یوخوما بو نه حالیدور
رُویادی ای خدا گورسن یا خیالیدور
اَلقصه اُوچ گیجه مَنه تاکید اِیدوب خانم
تَعمیر قَبر پاکینه تَمجید اِیدوب خانم
واجب بلُوب اوچومچی گونی بر سَبیل عقل
اَشراف شامه اِیلدیم اول ماجرانی نَقل
ویرانیه یغیش دیلا اَشراف شهر شام
نَبش مَزار مُحترمه اِیلدوق قیام
آچدوق همان بالا خانیمین قَبر پاکینی
ایتدوق کنار خشتینی هم سَنگ و خاکینی
گوردوق سالوبدی رَخنه سُو اول قبر اَطهره
سُو اِیلوری اَذیت اونَسل پیمبره
جسمی سُویون اُوزینده اوزور بیر بالیق کیمین
توضیح اِیده او حالتی وار جرئتی کیمین
سید گوتوردی اللری اُسته او بیکسی
باخجاق وجودینه اوجالوب عَرشه ناله سی
گوردی که صاق لیقی کیمی وار دَرد تازه سی
گویا که ایمدی دَفن اولونوب دور جنازه سی
اما کفن اولونمیوب اول جسم اَطهره
بیر کُهنه کوینکیله قویوبلار همان یره
واردور یری دِیسم قان اِیدوب سُرخ تربتین
سیلی یری و لیک قرال دوبدی صُورتین
فکر اِیتمه تربتین اِیلیوب سُرخ هانسی قان
آماده اول اِیشتماقا تا ایلیوم بیان
بیجا بو یرده زینبین اُولموب قیامتی
سید باخاندا گوردی که وار چوخ جَراحتی
خَط خَط سیاه رَنگیدی جسم مُطهری
مَجروح اِیدوبدی پیکرینی قَمچی یرلری
بلدی شَهید اولماقینا بو نشانه دور
جسمین یارالیان اَثر تازیانه دور
بَسدور (حسینی) یازما تمام اِیله بو غَمی
اِیلر جزا گونینده شفاعت خانم اوزی
- پنج شنبه
- 11
- شهریور
- 1400
- ساعت
- 13:15
- نوشته شده توسط
- یوسف اکبری
- شاعر:
-
سعدی زمان سیدرضا حسینی
ارسال دیدگاه