آغلاما ای لِفظ عَصمت اِعتباری آغلاما
ای اِمامت مُلکینون مُحکم حِصاری آغلاما
سن امامت گلشنین ده غنچه نشگفته سن
غنچه لیق دا ای خزان اُولموش بَهاری آغلاما
آغلاما یاندورما بیر بیله دل سوزانیمی
عمّن اُلسون ای غم مُحنت دچاری آغلاما
قویما بونیون چگنوه چکمه بِیله آه اُوسته آه
یاندورور آل اللّهی آهون شَراری آغلاما
آغلاما باخما یتیمانه، دانیش، دِه گُل قیزیم
ای بنات آل حِی‍‌‍‌‌‌‌‍در اِفتخاری آغلاما
آغلاما ای سُوگلی قارداشیمون ایستک لیسی
اَبر تک دولدورما چشم اَشگباری آغلاما
آغلاما ای رَنگ رُخساری ساری گل تَک سولان
ای گورن غَم گلشنینده جُور خاری آغلاما
کهنه دور باخما لباسون سن قیزیم شَهزاده سن
اُوز وقارون حفظ اِیله صَبر اِیله باری آغلاما
توپراق اوستونده یوخون گَلمور یوزون قویما یره
ایتمه خاک آلوده زِلف مُشگباری آغلاما
گَل بالا یات سینم اوسته من اوزوم نازون چکوم
عمَّوُون آلما اَلیندن اِختیاری آغلاما
بسکه چوخ آجسان یاتان مورسان اَلیمده چاره یوخ
تار مار اُولسون گوروم بو غم دیاری آغلاما
قارداشون اکبر، آتان بیرگون گَلَر ویرانیه
حَیّ اَعلا قورتارار، بو اِنتظاری آغلاما
قارداشیم اوغلی (حسینی) زنده ساخلار آدوی
اِیتمه بیر بیله یوزه گوز یاشی جاری آغلاما
- پنج شنبه
- 11
- شهریور
- 1400
- ساعت
- 13:16
- نوشته شده توسط
- یوسف اکبری
- شاعر:
-
سعدی زمان سیدرضا حسینی
ارسال دیدگاه